13:02:42 21°C
  • USD - 482.28 ֏
  • EUR - 568.13 ֏
  • RUB - 6.53 ֏
  • ՆԱՏՕ-ի անդամ դառնալուց առաջ Վրաստանը պետք է լուծի իր տարածքային խնդիրները․ Ղարիբաշվիլի

    19:57 21 Հունիս 2022

    Վրաստանը պետք է լուծի իր տարածքային խնդիրները, ինչից հետո միայն կկարողանա դառնալ ՆԱՏՕ-ի անդամ, հայտարարել է Վրաստանի վարչապետ Իրակլի Ղարիբաշվիլին՝ Կատարի տնտեսական համաժողովում ելույթի ժամանակ։

    «Մենք հասկանում ենք, որ ՆԱՏՕ-ին անդամակցությունը միայն մեր ցանկությունից չէ կախված։ ՆԱՏՕ-ի բոլոր անդամ երկրները պետք է կոնսենսուսի հանգեն Վրաստանի անդամակցության հարցում։ Մենք միամիտ չենք ու հասկանում ենք, որ Վրաստանը տարածքային խնդիրներ ունի, և սկզբում պետք է լուծենք այդ խնդիրները, ապա դառնանք ՆԱՏՕ-ի անդամ։ Սա մեր եվրոպացի գործընկերների և ՆԱՏՕ-ի անդամների կարծիքն է»,- ասել է Ղարիբաշվիլին

    Նա հավելել է, որ ՆԱՏՕ-ին ինտեգրումը Վրաստանի քաղաքացիների մեծ մասի ցանկությունն է, այդ դրույթն ամրագրված է նաև երկրի սահմանադրությունում։

    Նշենք, որ Վրաստանի սահմանադրությունում ԵՄ-ին ու ՆԱՏՕ-ին ինտեգրվելու վերրաբերյալ դրույթն ամրագրվել է 2017 թվականին․ «Սահմանադրական մարմիններն իրենց իրավունքների և լիազորությունների սահմաններում պետք է ձեռնարկեն բոլոր միջոցները` ապահովելու Վրաստանի լիարժեք ինտեգրումը Եվրամիությանը և Հյուսիսատլանտյան դաշինքին»։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Հասարակություն

    ՏԵՍՆԵԼ ԱՎԵԼԻՆ