04:36:53 29°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ուզբեկստանի տարածքում հինգ հրթիռ է ընկել

    23:48 5 Հուլիս 2022

    Ուզբեկստանի տարածքում հինգ հրթիռ է ընկել, որոնք, ենթադրաբար, արձակվել են Աֆղանստանի տարածքից, զոհեր և ավերածություններ չկան, երեքշաբթի հայտնել է Ուզբեկստանի ԱԳՆ-ն։

    «2022 թվականի հուլիսի 5-ին՝ ժամը 16:20-ի սահմաններում, հինգ հրթիռ, ենթադրաբար Աֆղանստանի տարածքից, ընկել են Ուզբեկստանի սահմանային գոտում»,- ասվում է նախարարության կայքում տարածված հաղորդագրության մեջ։

    Նախարարության տվյալներով՝ պայթյուններ չեն եղել, մարդկային զոհեր և ավերածություններ չկան։ «Թերմեզ քաղաքի մահալլայում չորս առանձնատների աննշան վնաս է հասցվել, հինգերորդ արկը հայտնաբերվել է ֆուտբոլի դաշտում։ Հայտնաբերված արկերը վնասազերծվել են սակրավորների կողմից»,- ասվում է հաղորդագրության մեջ։

    «Ներկայումս Ուզբեկստանի իրավասու մարմինները աֆղանական կողմի հետ միասին անհրաժեշտ միջոցներ են ձեռնարկում՝ պարզելու այս միջադեպի պատճառները»,- հավելել է ԱԳՆ-ն։

    ԿԱՅՔԻ ՀԻՆ ՏԱՐԲԵՐԱԿ

    Լրահոս