11:44:52 24°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Թուրքմենստանի մշակույթի նախարարի հետ քննարկվել է հայկակական եկեղեցու վերականգնման հարցը

    12:45 18 Մայիս 2024

    Աշխաբադում անցկացվող Մշակույթի նախարարների միջազգային համաժողովի շրջանակում Հայաստանի Հանրապետության կրթության, գիտության, մշակույթի և սպորտի նախարար Ժաննա Անդրեասյանը մի շարք հանդիպումներ է ունեցել  Թուրքմենստանի ոլորտային նախարարների հետ: Հայտնում են նախարարության մամուլի ծառայությունից։ 
    Թուրքմենստանի մշակույթի նախարար Աթագելդի Շամուրադովի հետ հանդիպմանը քննարկվել են երկկողմ համագործակցության բարելավման հարցերը։
    Հանդիպման ընթացքում կողմերը, մասնավորապես, անդրադարձել են Թուրքմենստանում հայկական եկեղեցու և Հայաստանում թուրքմենական էմիրների դամբարանի վերականգնմանը: ԿԳՄՍ նախարարն ընդգծել է՝ հայկական կողմը պատրաստ է վերականգնող մասնագետների խումբ գործուղել՝  տեղում ուսումնասիրություն կատարելու և աշխատանքների մեկնարկը տալու նպատակով:
    Ընդգծելով երկկողմ համագործակցության  ներուժը՝ նախարար Ժաննա Անդրեասյանն առաջարկել է դիտարկել նաև  Շառլ Ազնավուրի 100 ամյակին նվիրված հոբելյանկան միջոցառումների շրջանակում Թուրքմենստանում համերգների շարք իրականացնելու հնարավորությունը:
    Աշխաբադում ԿԳՄՍ նախարարը հանդիպումեր է ունեցել նաև Թուրքմենստանի կրթության նախարարի, ինչպես նաև սպորտի կոմիտեի նախագահի հետ։

    ԿԱՅՔԻ ՀԻՆ ՏԱՐԲԵՐԱԿ

    Լրահոս