16:27:42 -1°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Tesla-ն հայտարարել է որոշ ապրանքների դիմաց Dogecoin կրիպտոարժույթով վճարելու հնարավորության մասին

    00:12 15 Հունվար 2022

    Ամերիկյան Tesla-ն հայտարարել է որոշ ապրանքների դիմաց Dogecoin կրիպտոարժույթի ընդունման մասին։ Համապատասխան տեղեկությունը հայտնվել է Իլոն Մասկի ստեղծած էլեկտրամոբիլների արտադրության ձեռնարկության կայքում, փոխանցում է ՏԱՍՍ-ը։

    Ընկերության խանութ-սրահում ներկայացված են հագուստ, աքսեսուարներ, մեքենաներ և այլ իրեր։ Կրիպտոարժույթով գնման համար մատչելի ապրանքները նշված են հատուկ պատկերակով: Tesla-ի կայքը նշում է, որ Dogecoin-ի միջոցով կատարված գնումները չեն կարող վերադարձվել, փոխանակվել կամ չեղարկվել: Ընդգծվում է նաեւ, որ առցանց խանութը այլ կրիպտոարժույթների հետ չի աշխատում:

    Ինքը՝ Իլոն Մասկը, ուրբաթ Twitter-ում գրել է, որ Tesla-ի արտադրանքն «այժմ կարելի է գնել Dogecoin-ով»: Ավելի վաղ նա իր միկրոբլոգում բազմիցս դրական էր արտահայտվել Dogecoin-ի մասին:

    Կրիպտոարժույթը թվային արժույթի տեսակ է, որի ստեղծումը հիմնված է կրիպտոգրաֆիկ մեթոդների վրա։ Նման համակարգերի գործունեությունը հիմնված է բլոկչեյն տեխնոլոգիայի վրա՝ ապակենտրոնացված տվյալների բազա, որտեղ տեղեկատվության պահպանման սարքերը միացված չեն ընդհանուր սերվերին:

    ԿԱՅՔԻ ՀԻՆ ՏԱՐԲԵՐԱԿ

    Լրահոս