23:05:38 30°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Շրի-Լանկան սպառել է վառելիքի գրեթե ամբողջ պաշարը․ եղածը մեկ օրվա համար էլ բավարար չէ

    23:27 27 Հունիս 2022

    Շրի- Լանկայի վառելիքի պաշարները փաստացի վերջացել են, եղած պաշարը չի բավականացնի անգամ մեկ օրվա համար, հայտնել է Daily Mirror-ը՝ հղում անելով Ցեյլոնի նավթային կորպորացիային (Ceylon Petroleum Corporation, СРС)։

    Վերջինիս տվյալներով՝ այժմ երկրի ստորգետնյա պահեստարաններում ընդամենը 1,1 հազար տոննա բենզին ու 7,5 հազար տոննա դիզելային վառելիք է մնացել։

    «Անցած շաբաթվա ընթացքում վառելիքով բեռնված ոչ մի նավ չի ուղղվել դեպի Շրի-Լանկա, քանի որ բեռի համար անհրաժեշտ վճարումները չեն կատարվել, վճարման համար միջազգային բանկային երաշխիքներ չեն տրամադրվել, առ այսօր որևէ վճարում չի կատարվել բենզինի և այլ վառելիքի վերջին մատակարարումների դիմաց»,- հայտնել է Ceylon Petroleum Corporation-ը։

    Բացի այդ, Շրի-Լանկան հայտնվել է միջազգային ընկերությունների «սև ցուցակում», քանի որ չի կատարել պարտքերի դիմաց իր պարտավորությունները։

    Վառելիք չստանալու պատճառով Շրի-Լանկայում արդեն այս շաբաթվանից կարող է դադարել գործել հասարակական տրանսպորտը, կսկսվեն էլեկտրաէներգիայի անջատումներ, գրում է Daily Mirror-ը։

    Նշենք, որ 1948 թվականից ի վեր Շրի-Լանկան տնտեսական ամենածանր ճգնաժամն է ապրում, ինչի պատճառը համավարակի շրջանում օտարերկրյա զբոսաշրջիկների թվի կտրուկ անկումն է։ Դա էլ իր հերթին հանգեցրել է արժութային պահուստներում դեֆիցիտի։

    Շրի-Լանկայի արտաքին պարտքը այսօրվա դրությամբ 51 միլիարդ դոլար է կազմում։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Հասարակություն

    ՏԵՍՆԵԼ ԱՎԵԼԻՆ