Էր Ռիադում ավարտվել են Ռուսաստանի և ԱՄՆ-ի բանակցությունները, դրանք տևել են ավելի քան 12 ժամ
Լարսը փակ է բեռնատարների համար
Գրենլանդիայից շատ ու շատ մարդիկ մեզ խնդրում են գալ այնտեղ. Թրամփ
Արայիկ Հարությունյանն ասել է՝ «Նիկոլ Փաշինյանն ու ՀՀ իշխանություններն ինձ այլևս չեն լսում, ես պետք է հրաժարական տամ». Արթուր Վանեցյան
Ուրիշի կնոջը երկար նայելու պատճառով սպանված 17-ամյա երիտասարդի գործով մեկ անձ կալանավորվել է
ԱՄՆ-ի և Ուկրաինայի միջև օգտակար հանածոների վերաբերյալ համաձայնագիրը շուտով կստորագրվի. Թրամփ
Սևանում «Dodge Caliber»-ը վրшերթի է ենթարկել փողոցը չթույլատրելի հատվածով անցնող հետիոտնի
Ափսոսում եմ, որ Սարիկ Մինասյանը ՔՊ–ի ցուցակով է առաջադրվել. Միքայել Սրբազան
Դատախազությունը պահանջում է 4․5 մլրդ դրամ բռնագանձել ԳՇ նախկին պետ Մովսես Հակոբյանից ու ՊՆ մեկ այլ պաշտոնյայից
Սաուդյան Արաբիայում ռուս-ամերիկյան բանակցությունները շարունակվում են ավելի քան ինը ժամ

Ռուբեն Վարդանյանը կապ է հաստատել ընտանիքի հետ ու ասել, որ լավ վիճակում է

16:52 12 Հոկտեմբեր 2023

Արցախի նախկին պետական նախարար Ռուբեն Վարդանյանը, որն առևանգվել է Ադրբեջանի կողմից, կապ է հաստատել ընտանիքի հետ, ասել, որ լավ վիճակում է:

NEWS.am-ի թղթակիցը զրուցել է Արցախի նախկին պետնախարար Ռուբեն Վարդանյանի որդու հետ։

-Դուք տեղեկություն ունե՞ք Ռուբեն Վարդանյանի մասին։ Կարողացա՞ք կապ հաստատել նրա հետ։

-Այո՛, երեկ և անցած երեքշաբթի նա զանգել է մայրիկիս, ես ներկա չեմ եղել։ Ինչքան հասկացա՝ զանգը շատ կարճ է եղել։ Նա ասաց, որ լավ վիճակում է: Այլ մանրամասներ չեն քննարկել։ Նա ասաց, որ կարոտում է: Մենք էլ նրան ենք կարոտում:

-Նա չի խնդրե՞լ ինչ-որ բան փոխանցել:

-Որքան գիտեմ՝ ոչ։ Պարզապես խնդրեց, որ հոգ տանենք բոլոր նրանց մասին, որոնք ներկայումս տուժում են այս ամբողջ իրավիճակից:

-Նրան այցելե՞լ են Միջազգային Կարմիր Խաչի ներկայացուցիչները։

-Ես նման տեղեկություն չունեմ, բայց գիտեմ, որ ներկայացուցիչները (ԿԽՄԿ-խմբ.) կապվել են մորս հետ և ասել, որ ցանկանում են կապ հաստատել նաև հորս և այլ գերիների հետ։

- Հիմա դուք աշխատում եք կազմակերպել միայն Ռուբեն Վարդանյանի՞ վերադարձը, թե՞ նաեւ այլ գերիների:

-Հայաստան պետությունը նաև հայց է ներկայացրել միջազգային ատյաններ ոչ միայն հորս, այլև Ադրբեջանի կողմից տարված բոլոր գերիներին ազատ արձակելու համար։ Հոկտեմբերի 12-ին Հաագայում դատավարություն է լինելու նրանց հնարավոր ազատ արձակման վերաբերյալ։ Մենք մեծ հույս ունենք, որ այս գործընթացը հաջող ավարտ կունենա: Իհարկե, մենք նաև քայլեր ենք ձեռնարկում հորս ազատելու համար, բայց այս մասին դեռ վաղ է խոսել։

- Տեղեկություններ կային, որ ընտանիքն ունի իր փաստաբանը։ Ո՞վ է նա և ինչպե՞ս կարողացաք ներգրավել այս փաստաբանին։

-Այո, դա ճիշտ է: Հասարակական կազմակերպություններից մեզ փոխանցված կոնտակտների, ինչպես նաև ծանոթների միջոցով մենք կարողացանք կապ հաստատել տեղացի փաստաբանի հետ, որին վարձել էինք հորս շահերը ներկայացնելու համար: Այս փաստաբանն այժմ ներկայացնում է մեր շահերը Ադրբեջանում։

- Ադրբեջանը չի ենթարկվում միջազգային դատարանների որոշումներին: Ի՞նչ երաշխիք կա, որ օրինական ճանապարհով հնարավոր կլինի հասնել Ռուբեն Վարդանյանի ազատ արձակմանը։

-Ես, ինչպես շատ ուրիշներ, կարծում եմ, որ մարդկային արժեքները և օրենքը, բոլոր դեպքերում գործում են, և որ Արդարադատության միջազգային դատարանը դեռևս ազդեցություն ունի։ Ես գիտեմ, որ նախկինում խնդիրներ են եղել Արդարադատության միջազգային դատարանի որոշումների իրականացման հետ կապված, բայց ես իսկապես հավատում եմ այս հաստատություններին և հուսով եմ, որ այս գործընթացը կօգնի ազատել հորս:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Ռուբեն Վարդանյանը կապ է հաստատել ընտանիքի հետ ու ասել, որ լավ վիճակում է

Լրահոս

Փոխկապակցված նորություններ

Միջազգային լուրեր

Տնտեսություն