02:41:06 18°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Peugeot-ն պաշտոնապես ներկայացրել է նոր՝ 408 մոդելը

    00:55 23 Հունիս 2022

    Peugeot ընկերությունը ներկայացրել է նոր սերնդի 408 մոդելը։ Այս մասին տեղեկացրել է բրենդի մամուլի ծառայությունը։

    Մեքենան լիովին նոր կառուցվածք ունի եւ հիմա ավելի շատ նման է ոչ թե սեդանի, ինչպես իր նախորդները, այլ քրոս-կուպեի, չնայած Peugeot-ն այդ թափքն անվանում է ֆաստբեք

    Նոր Peugeot 408-ի երկարությունը 4 690 միլիմետր է, անիվների բազան՝ 2 790 միլիմետր։ Բեռնախցիկի տարողությունը՝ 536 լիտր, հետեւի ծալվող նստարանների դեպքում այն մեծանում է՝ հասնելով 1 611 լիտրի։ Սրահում տեղադրված է կոմպակտ ղեկանիվ, ինչպես նաեւ մուլտիմեդիա-համակարգ՝ 10 մատնաչափ սենսորային դիսփլեյով։ Մեքենան հագեցած է վեց տեսախցիկներով, ադապտիվ քրուիզ-վերահսկողությամբ, հետիոտների եւ հեծանվորդների մասին նախազգուշացնող համակարգերով, կույր գոտիների մոնիթորինգի գործառույթով, հետընթացի ժամանակ մոտեցող օբյեկտների մասին նախազգուշացնող համակարգով։

    Եվրոպական շուկայում մոդելն առաջարկվելու է ուժային ագրեգատների երեք տարբերակով։ Դրանք երկու հիբրիդային տեսակներն են՝ 180 եւ 225 ձիաուժ շարժիչներով, ինչպես նաեւ 130 ձիաուժ բենզինի շարժիչով մոդիֆիկացիան։ Փոխանցատուփը բոլոր մեքենաների համար նույնն  է՝ ութ աստիճան ունեցող «ավտոմատ»։

    Նոր Peugeot 408-ը վաճառքի կհանվի 2023թ. սկզբին։ Մոդելի արտադրությունը կկարգավորվի բրենդի ֆրանսիական Մյուլուզում գտնվող ձեռնարկությունում։

    ԿԱՅՔԻ ՀԻՆ ՏԱՐԲԵՐԱԿ

    Լրահոս