06:06:13 0°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Կոչ ենք անում բոլոր գործարար մարդկանց և տուրիստներին գալ Հայաստան. Կարեն Կարապետյան

    13:00 20 Դեկտեմբեր 2016

    ՀՀ վարչապետ Կարեն Կարապետյանը հարցազրույց է տվել Financial Times-ի FDI MAGAZINE պարբերականին։  Հայաստանի վարչապետ Կարեն Կարապետյանը ցանկանում է կառավարության այնպիսի միջավայր ստեղծել, որը ողջունում է ստեղծագործական և ձեռնատիրական միտքը:

    Որո՞նք են անմիջական առաջնահերթությունները, որոնք դուք` որպես վարչապետ, կցանկանաք անդրադառնալ:

    -Անկեղծ ասած, վարչապետի աշխատանքը իրենից ենթադրում է, որ ամեն բան առաջնահերթ է. տնտեսական աճը, սոցիալական խնդիրները, առողջապահությունը և կոռուպցիան: Ոչ ոք չի կարող ասել, որ այս ոլորտը առաջնային է, իսկ մյուսը` երկրորդային: Թերևս վարչապետի և գործարարի գործողությունների և աշխատանքի տարբերությունը այն է, որ դու ստիպված չես լինում կարևորել ճոխությունը և կենտրոնանալ միայն ամենակարևոր հարցերին: Իմ կարծիքով՝ մեր առաջնային գլխավոր խնդիրը այն է, որ մենք պետք է կապ հաստատենք հասարակության հետ, այնպես, որ մեր ազգը հասկանա, հավատա և արձագանքի այն ազդանշաններին, որոնք մենք ենք ուղարկում: Սա հիմնականում վերաբերվում է գործարարներին և ավելի մեծ հասարակությանը: Դա շատ ավելի հեշտ կլինի մեզ համար՝ բարելավելու իրավիճակը այն ժամանակ, երբ մեր ազգը մեր դաշնակիցը լինի և աջակցի մեր այն ծրագրերին, որ մենք ենք առաջարկում:

    Ի՞նչ տնտեսական նախաձեռնություններ կամ պլաններ ունեք:

    -Մենք արդեն ներկայացրել ենք կառավարության ծրագիրը, որտեղ մենք նախանշել ենք, ինչ պետք է անենք: Մի քանի հիմնական թեմաներ կան, որոնց ես ուզում եմ կարևորել:

    Առաջին. մենք ցանկանում ենք ստեղծել իսկապես ազատ, մրցակցային և գործարար միջավայր: Մենք վստահ ենք, որ մեր ազգի ներուժը թույլ կտա, որպեսզի մեր բիզնեսը իսկապես արագ աճի այդպիսի միջավայրում: Բացի այդ, եթե մենք հստակ ազդանշաններ ուղարկենք, ապա օտարերկրյա ներդրողները դրանց կպատասխանեն, ինչպես նաև կմտնեն մեր շուկա, եթե նրանց հարմար լինեն մեր խաղի կանոնները:

    Երկրորդ. հաշվի առնելով մեր ներկայիս տնտեսական վիճակը, մենք կխթանենք բիզնեսին, գուցե ոչ շատ պայմանական ճանապարհով իշխանության համար:

    Մենք պատրաստվում ենք ստեղծել ֆոնդեր, որոնք տարբեր ոլորտներում ֆինանսավորում կտրամադրեն, օրինակ, գյուղատնտեսության ոլորտը, IT (այ թի), ՓՄՁ-ները և այլն:

    Երրորդ. մենք կստեղծենք ռազմավարական նախաձեռնությունների կենտրոն, որտեղ, ներգրավված կլինեն տաղանդավոր մասնավոր և հանրային ոլորտի ներկայացուցիչներ: Մենք կքննարկենք և կզարգացնենք երկարաժամկետ ռազմավարություններ, ծրագրեր և բարեփոխումներ և, ի վերջո, կվորոշենք, որ ուղղությամբ Հայաստանը պետք է շարժվի:

    Ամփոփելով այս ամենը` մենք կստեղծենք առավել բարենպաստ և հարմարավետ պայմաններ ստեղծագործական և աշխատասեր անհատների համար և մենք նրանց պետք է ցույց տանք ապագայի հորիզոնները, այնպես, որ բոլորը ներգրավվեն այդ շենքը կառուցելու համար: Մենք ցանկանում ենք ցույց տալ բոլորին մեր երազած երկիրը:

    Որտե՞ղ է զբաղեցնում ՕՈՒՆ ձեր տնտեսական պլաններում, և դուք պատրաստվում ե՞ք որևէ  սեփականաշնորհում ցանկացած արդյունաբերություններում:

    -Օտարերկրյա ուղղակի ներդրումները (ՕՈԻՆ) չափազանց կարևոր է մեզ համար, ոչ միայն այն պատճառով, որ դա կազդի տնտեսական աճի վրա և ավելի շատ ներդրումներ կբերի, այլև այն պատճառով, որ այն նոր կառավարական մշակույթ կձևավորի: Անշուշտ սա դրական կազդի մեր երկրի վրա, հատկապես` զբոսաշրջությանը:

    Երբ խոսքը վերաբերվում է մասնավորեցմանը, կարծում եմ, Հայաստանը ամենաազատական երկիրն է համարվում հետխորհրդային երկրների շարքում:

    Իսկապես շատ քիչ պետական սեփականություն կա: Սակայն, վստահ եմ, որ մասնավոր կառավարումը միշտ էլ ավելի լավ է, քան հասարակականը:

    Այն նվազեցնում է կոռուպցիոն ռիսկերը, մեծացնում արդյունավետությունը և այլն: Հետևաբար մեր նպատակն է փոխանցել այն ամենը, ինչը բիզնեսի տրամաբանություն ունի, բացառությամբ շատ կոնկրետ ոլորտների, ինչպիսիք են` անվտանգությունը և պաշտպանությունը:

    Կարծում եմ, մեր IT /hi-tech արդյունաբերությունը շատ հետաքրքիր և գրավիչ է. այն ֆանտաստիկ ներուժ և հնարավորություններ ունի: Մեր գյուղատնտեսությունը, ոսկերչությունը, հանքարդյունաբերությունը, թեթև արդյունաբերությունը, Էներգետիկայի և զբոսաշրջության բնագավառները նույնպես մեծ ներուժ ունեն օտարերկրյա ներդրումներ ներգրավելու մեջ:

    Տարածաշրջանի քաղաքականությունը բարդ է: Ինչպե՞ս եք այս նուրբ իրավիճակի հետ գործ ունենում և ինչպե՞ս կարող եք բարձրացնել տնտեսական ինտեգրումը` չնայած սրան:

    -Երբ խոսքը վերաբերվում է մեր արտաքին քաղաքակությանը, ապա մենք անպայման ազդանշան կուղարկենք մեր գործողությունների և քաղաքականությունների միջոցով, որ մենք շատ ազնիվ և անկեղծ ենք մեր գործընկերների հետ: Մենք չենք պատրաստվում համագործակցել մի երկրի հետ` ի վնաս այլ երկրների: Մեր երկրի և հարևան երկրների չափը մեզ հանգեցնում է այն մտքին, որ մենք, իսկապես, պետք է կենտրոնանանք տարածաշրջանային համագործակցության խթանմանը: Այդ տեսակետից, կարծում եմ, որ տարածաշրջանային համագործակցությունը նոր հնարավորություններ կբացի մեր բիզնեսների համար:

    Մենք նաև պետք է համոզենք բոլորին, որ մենք շատ հանդուրժող ազգ ենք, թեև բոլորն էլ գիտեն, մեզ` որպես հակամարտության կողմ (Ադրբեջանի հետ սահմանային վեճերի հետ): Կարծում եմ մեր ապրելակերպը դրա ապացույցն է, քանի որ մեր ազգի մոտավորապես երեք քառորդը արտերկրում է ապրում և ծառայում են, որպես օրինապաշտ քաղաքացիներ այլ երկրներին:

    Ին՞չ կցանկանաք, որպեսզի Հայաստանի մասին իմանան օտարերկրյա քաղաքացինեը:

    -Մենք խաղաղության արժեքը գիտենք և մենք շատ շնորհակալ ենք մեր ընկերներին:

    Մենք այն սակավաթիվ, հնագույն ազգերից ենք, ովքեր պետականություն են ունեցել: Երևանը 50 տարի ավելի հին է, քան Հռոմը: Շենգավիթը, որը շատ մոտ է Երևանին, 6000 տարեկան է. մի քաղաքականություն, որ 1000 տարի ավելի հին է, քան Եգիպտոսի բուրգերը: Մենք առաջին քրիստոնյա ազգն ենք և մենք առաջին ազգերից մեկն ենք եղել, ով սկսել է տպագրությունը: Մենք կոչ ենք անում բոլոր գործարար մարդկանց և տուրիստներին գալ Հայաստան, լինել մեր հյուրը և դառնալ մեր ընկերը:

     

    Թարգմանությունը՝ Լենա Հարությունյանի

     

     

     

     

     

     

     

     

     

     

     

     

     

     


     

     

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Միջազգային լուրեր

    ՏԵՍՆԵԼ ԱՎԵԼԻՆ

    Տնտեսություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One