18:41:56 -2°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Իրանի իշխանությունները չեն փակել օդային տարածքը ադրբեջանական ինքնաթիռների համար

    16:50 11 Հոկտեմբեր 2021

    Իրանի իշխանությունները չեն փակել օդային տարածքը ադրբեջանական ինքնաթիռների համար։ Այս մասին երկուշաբթի հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն։

    «Մենք երբեք չենք փակել օդային տարածքը Ադրբեջանի համար։ Ցամաքային սահմանը նույնպես բաց է, կապ կա, և մարդիկ տեղաշարժեր են իրականացնում», - նրա խոսքը մեջբերել է գերատեսչության մամուլի ծառայությունը։

    Դիվանագետը հավելել է, որ «երկու երկիր պետք է թույլ չտան երրորդ կողմերին ազդեցություն ունենալ հարաբերությունների վրա»: Նրա խոսքով՝ իրանական կողմը հայտնել է իր մտահոգությունների մասին։

    «Բաքվում մեր ընկերները հայտարարել են, որ կլուծեն այդ խնդիրները։ Որոշ հարցերի և խնդիրների վերաբերյալ մեր սպասելիքները, որոնք մենք կապել էինք Ադրբեջանի հետ, չարդարացան»,- հավելել է Խատիբզադեն:

    Հիշեցնենք, որ հոկտեմբերի 5-ին արաբական և ադրբեջանական ԶԼՄ-ները հաղորդել են, որ Իրանի իշխանությունները փակել են Նախիջևանի օդային միջանցքը Ադրբեջանի ռազմատրանսպորտային ավիացիայի համար: ԶԼՄ-ները հայտնում էին նաև, որ Ադրբեջանը Նախիջևանի առանձին համազորային բանակի մատակարարումներն իրականացնում է հիմնականում Իրանի օդային տարածքով։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Հասարակություն

    ՏԵՍՆԵԼ ԱՎԵԼԻՆ