11:35:48 -3°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ընդդիմադիր պատգամավորները ստիպված կլինեն հրաժարվել iPhone-ներից. armlur.am

    21:17 24 Նոյեմբեր 2021

    Apple ընկերությունից նամակ է ստացել «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը: Ընկերությունը Վանեցյանին տեղեկացրել է, որ Pegasus ծրագրիրի միջոցով հարձակումներ են իրականացվել ոչ միայն իր, այլև իր մերձավոր շրջապատի ու ընտանիքի անդամների Apple ընկերության հեռախոսների վրա։

    «Այս նամակը հաստատում է իմ նախկին hայտարարություններն այն մասին, որ Հայաստանի գործող իշխանություններն ապօրինաբար, խախտելով իմ անձնական և ընտանեկան կյանքի անձեռնմխելիության իրավունքը, տևական ժամանակ գաղտնալսման փորձեր են իրականացրել, որոնք ակնհայտորեն կապված են իմ քաղաքական գործունեության հետ»,– Facebook-ի իր էջում գրել է Վանեցյանը:

    «Հայաստան» խմբակցության պատգամավոր Ագնեսա Խամոյանը ArmLur.am-ի հետ զրույցում նշեց, որ հեռախոսի նկատմամբ առավել զգուշավոր լինելու հարցում իր մոտ բան չի փոխվել: «Ինչպես նախկինում էի, այնպես էլ հիմա»,- ասում է նա:

    NSO Group-ին, որ մասնագիտացած է այնպիսի ծրագրեր ստեղծել, որոնք պետական մարմիններին կօգնեն պայքարել ահաբեկչությունների, Apple ընկերությունը դատի է տվել: Ընկերության ստեղծած Pegasus ծրագրով, ըստ Apple-ի, իր օգտատերերը հսկվում ու թիրախավորվում են:
    Ստացվում է՝ ընդդիմադիր պատգամավորները առավել ապահով լինելու ու չգաղտնալսվելու համար պետք է հրաժարվել բոլոր տեսակի iPhone-ներից:

    armlur.am

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Հասարակություն

    ՏԵՍՆԵԼ ԱՎԵԼԻՆ