00:33:11 15°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ինչու է իրականում պաշտոնից ազատվելու Հայկ Հարությունյանը

    08:09 23 Հուլիս 2014


    Slaq.am-ի տեղեկություններով, Քրեակատարողական վարչության պետ Հայկ Հարությունյանն այլևս չի պաշտոնավարելու:

    Slaq.am-ի տեղեկություններով, պատճառն այն է, որ ՀՀ արդարադատության նախարար Հովհաննես Մանուկյանին չի գոհացրել նրա կատարած աշխատանքը:

    Արդարադատության նախարար նշանակվելուն պես Հովհաննես Մանուկյանը խորապես ուսումնասիրել է քրեակատարողական հիմնարկներում առկա իրավիճակը և իր դժգոհությունները հայտնել Հայկ Հարությունյանին առկա թերությունների վերաբերյալ:
    Փաստացի, նախարարին չի գոհացրել Հայկ Հարությունյանի աշխատանքը և վերջինս որոշել է հրաժարականի դիմում ներկայացնել:
    Նկատենք, որ Հայկ Հարությունյանը Քրեակատարողական ծառայության պետ է 2010 թվականից: Երկար տարիներ նա զբաղեցրել է բարձր պաշտոններ՝ եղել է ՀՀ ներքին գործերի նախարար և բավականին բարձր հեղինակություն ունեցող անձնավորություն է: Փաստացի, Հովհաննես Մանուկյանն իր քայլով ապացուցում է, որ նա ուժեղ նախարար է և ոլորտում ամրապնդել է իր դիրքերը:

    Մեր աղբյուրների տեղեկացմամբ՝ Հովհաննես Մանուկյանն իր առջև խնդիր է դրել արմատական բարեփոխումներ իրականացնել քրեակատարողական հիմնարկներում:
    Տարիներ առաջ աշխատելով որպես Վճռաբեկ դատարանի նախագահ՝ նա փայլուն կապեր է հաստատել միջազգային տարբեր կառույցների հետ և այժմ էլ պայմանավորվածություն ունի ֆինանսական հոսքեր բերել համակարգ և դրանց միջոցով բարեփոխումներ իրականացնել:
    Ի դեպ, շուտով նախատեսվում է Արմավիրի քրեակատարողական հիմնարկի շահագործումը, որի միջոցով կթեթևանա մյուս հիմնարկների ծանրաբեռնվածությունը:

    ԿԱՅՔԻ ՀԻՆ ՏԱՐԲԵՐԱԿ

    Լրահոս