10:37:35 24°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Վարչախմբի հեռացման պահանջով սրբազան պայքարը հույս է ներշնչում, տեր լինենք մեր պետականությանը․ «ՀայաՔվե»

    13:12 28 Մայիս 2024

    «ՀայաՔվե» քաղաքացիական նախաձեռնությունը հայտարարություն է տարածել, որում մասնավորապես ասվում է.

    «Սիրելի՛ հայրենակիցներ, ջերմորեն շնորհավորում ենք Հանրապետության տոնը։

    106 տարի առաջ մեր նախնիների կերտած սխրանքը Սարդարապատում, Բաշ-Ապարանում, Ղարաքիլիսայում, Սառնաղբյուրում և այլուր թույլ տվեց կերտել հայոց անկախ պետականությունը։

    2018 թվականի այս օրը՝ մայիսի 28-ին, հայ ժողովուրդը մեծ խանդավառությամբ ու ոգևորությամբ էր նշում Հայաստանի Հանրապետության 100-րդ տարեդարձը։ Ցավոք, վարչախմբի իշխանության 6 տարիները մեր ժողովրդի կյանքում նշանավորվեցին հուսախաբությամբ, հիասթափությամբ, ներազգային պառակտմամբ, կանխորոշված պատերազմով, հայրենիքի կորստով, էթնիկ զտմամբ, կոռուպցիայով, ոստիկանապետությամբ, իշխանության ուզուրպացիայով, մարդու իրավունքների և ժողովրդավարության սկզբունքների կոպտագույն ոտնահարումներով։

    Վարչախմբի հեռացման պահանջով ընթացող Սրբազան պայքարը մեծ հույս է ներշնչում, որ հայ ժողովուրդը հաղթահարելու է իրեն նետված այս դժվար մարտահրավերը, և մոտ ժամանակներում դրվելու են կայուն, կենսունակ պետության, արժանապատիվ խաղաղության հիմքերը, հաղթանակելու է հաշտության ու համերաշխության օրակարգը, և մենք կրկին լծվելու ենք խաղաղ ու ստեղծագործ աշխատանքի։ Այս ամենը մեր բոլորի միասնական ու մեզնից յուրաքանչյուրի անհատական ջանքն ու պատասխանատվությունն է պահանջում։ 

    Տե´ր լինենք հայոց անկախ պետականությանը»։

    ԿԱՅՔԻ ՀԻՆ ՏԱՐԲԵՐԱԿ

    Լրահոս