12:09:21 24°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Հայ պատգամավորներն արդյունավետ քննարկումներ են անցկացրել «Կարնեգի» հիմնադրամի փորձագետների հետ

    06:17 7 Մարտ 2018

    ԱՄՆ Կոնգրեսի Հայկական հարցերով հանձնախմբի հրավերով` Վաշինգտոնում աշխատանքային այցով է գտնվում ՀՀ Ազգային ժողովի բազմակուսակցական պատվիրակությունը: Այցի ընթացքում նախատեսվում են պատվիրակության անդամների հանդիպումները ԱՄՆ օրենսդիրների, գործադիր իշխանության ներկայացուցիչների, գիտահետազոտական կենտրոնների վերլուծաբանների և գիտնականների, իրավասատար կազմակերպությունների անդամների ու Վաշինգտոնի հայ համայնքի ներկայացուցիչների հետ:

    Այցի առաջին օրը հայ պատգամավորներն այցելեցին Նախագահ Վուդրո Վիլսոնի տուն-թանգարան ու Կոնգրեսի գրադարան, արդյունավետ քննարկումներ անցկացրեցին «Կարնեգի» հիմնադրամի փորձագետների հետ և մասնակցեցին Հայ դատի հանձնախմբի կողմից կազմակերպված քաղաքական քննարկմանը:

    Պատվիրակությունը գլխավորում է ՀՀ Ազգային ժողովի նախագահի տեղակալ, Հայաստան-ԱՄՆ բարեկամական խմբի ղեկավար Արփինե Հովհաննիսյանը (Հայաստանի հանրապետական կուսակցություն). պատվիրակության կազմում են նաև Ազգային ժողովի արտաքին հարաբերությունների մշտական հանձնաժողովի նախագահ Արմեն Աշոտյանը (Հայաստանի հանրապետական կուսակցություն), Եվրոպական ինտեգրման հարցերի մշտական հանձնաժողովի նախագահ Նաիրա Զոհրաբյանը («Ծառուկյան» խմբակցություն), Առողջապահության և սոցիալական հարցերի մշտական հանձնաժողովի նախագահի տեղակալ Աղվան Վարդանյանը (Հայ Յեղափոխական Դաշնակցություն) և Պետաիրավական և մարդու իրավունքների պաշտպանության հարցերի մշտական հանձնաժողովի անդամ Էդմոն Մարուքյանը («Ելք» խմբակցություն):

    ԿԱՅՔԻ ՀԻՆ ՏԱՐԲԵՐԱԿ

    Լրահոս