Գյումրիում «ԱԱ Տրանզիտ» ՍՊԸ-ին պատկանող կաթնամթերքի արտադրամասում կարագ արտադրատեսակը համարվել է վտանգավոր. Արտադրությունը կասեցվել է
Վարույթներ են նախաձեռնվել ընտրակաշառք տալու, ստանալու, բարեգործության արգելքը խախտելու դեպքերի առթիվ. հրապարակվել է ձայնագրություն
Կառավարության նիստի օրակարգում 20 հարց է, որից 17-ը չի զեկուցվում. ևս 2 հարց գաղտնի է (ուղիղ)
Բաքուն բանակցային գործընթացը տապալելու և իրադրային սրման հերթական քայլին է գնացել
Ucom-ը միանում է «ԴեմԱռԴեմ․ Սերունդների երկխոսություն» մարզային ֆորումին
YoPhone-ը 20,000 FTN-ին համարժեք ՀՀ դրամ մրցանակային ֆոնդով մրցույթ է հայտարարել
ԱԺ հերթական նիստը՝ ուղիղ
Մեղավորությունն իմն է. Ալեն Սիմոնյանն անդրադարձել է ԱԺ-ում լրագրողների երեկվա ակցիային
Մեկնարկել է ՀՀ ԱԳ նախարար Արարատ Միրզոյանի պաշտոնական այցը Ղազախստանի Հանրապետություն
«Պուտինը շուտով կմահանա, և ամեն ինչ կավարտվի». Զելենսկի

Անհրաժեշտ է իրականացնել մասշտաբային հարկային փոփոխություններ. պատգամավոր

16:25 11 Հունիս 2024

Հայաստանում անհրաժեշտ է իրականացնել մասշտաբային հարկային փոփոխություններ։ Այս մասին Ազգային ժողովում, Հարկային օրենսգրքում եւ կից օրենքներում փոփոխություններ եւ լրացումներ կատարելու մասին օրինագծերի փաթեթի երկրորդ եւ վերջնական ընթերցմամբ քննարկման ժամանակ, հունիսի 11-ին ասել է տնտեսական հարցերի խորհրդարանական մշտական հանձնաժողովի փոխնախագահ, կառավարող «Քաղաքացիական պայմանագիր» խմբակցության պատգամավոր Բաբկեն Թունյանը։

Լրացումները, մասնավորապես, ենթադրում են հարկերի բարձրացում գործունեության մի շարք ոլորտների համար։

Նախագիծը ենթադրում է, որ շրջանառության հարկն առեւտրի ոլորտում կբարձրացվի 2 տոկոսից՝ մինչեւ 10 տոկոս։ Գործարարները կարող են հանել 9,5 տոկոս ծախսերից, բայց շրջանառության 1 տոկոսից ոչ պակաս չափով։

Հանրային սննդի ոլորտում շրջանառության հարկը կբարձրացվի ընթացիկ 6-ից՝ հասնելով 12 տոկոսի՝ 9 տոկոս հարկային հանման հնարավորությամբ փաստագրված ծախսերից (շրջանառության 3,5 տոկոսից ոչ պակաս)։

Հարկային տոկոսադրույքը արտադրական ձեռնարկությունների համար եւս կրկնակի կբարձրանա։ Այն կկազմի 7 տոկոս՝ ծախսերի 5 տոկոսի հանման հնարավորությամբ։

Շրջանառության հարկի շեմը կմնա անփոփոխ եւ կկազմի 120 մլն դրամ տարեկան։ Իսկ եթե բիզնեսը գերազանցի այդ շեմը, ստիպված կլինի ԱԱՀ եւ շահութահարկ վճարել։

Նոր փոփոխությունները ենթադրում են նաեւ, որ մատուցվող բոլոր մասնագիտական ծառայությունները, ինչպես նաեւ նոտարների եւ փաստաբանների ծառայությունները շրջանառության հարկի վճարման ոլորտից կտեղափոխվեն ԱԱՀ վճարման ոլորտ։ Մասնավորապես, այս փոփոխությունները կվերաբերեն նոտարական գրասենյակներին եւ փաստաբանների ծառայություններին։ Դա, ըստ էության, նշանակում է, որ 2025թ. հունվարի 1-ից նրանք պետք է ԱԱՀ վճարեն 10 տոկոսի չափով։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Անհրաժեշտ է իրականացնել մասշտաբային հարկային փոփոխություններ. պատգամավոր

Լրահոս

Փոխկապակցված նորություններ

Քաղաքականություն

Աշխարհ