Հենց Ադրբեջանն ընտրվեց որպես COP29-ը հյուրընկալող, դարձավ թիրախ. սա լավ համակարգված զրպարտչական արշավ էր մեր երկրի դեմ. Ալիև

22:52 12 Նոյեմբեր 2024

Հենց Ադրբեջանն ընտրվեց որպես COP29-ը հյուրընկալող, այն դարձավ թիրախ։ Եվ սա լավ կազմակերպված, լավ համակարգված զրպարտչական արշավ էր մեր երկրի դեմ։ Այս մասին Բաքվում COP29-ի առաջնորդների գագաթնաժողովի բացման արարողության ժամանակ հայտարարել է Ադրբեջանի նախագահ Իլհամ Ալիևը:

Նա, մասնավորապես, նշել է. «Ցավոք, երկակի ստանդարտները, այլ երկրներին սովորեցնելու սովորությունը և քաղաքական կեղծավորությունը դարձել են արևմտյան որոշ երկրներում քաղաքական գործիչների, պետության կողմից վերահսկվող ՀԿ-ների և լրատվամիջոցների կողմից կեղծ լուրեր արտադրելու հաստատված գործելաոճը»:

Ալիրևի խոսքով՝ տարվա ընթացքում այդ ուժերը ջանքեր են գործադրել բոյկոտելու Բաքվում կայանալիք կլիմայական համաժողովը։

«Իմ ուղերձն ուղղված է այն շրջանակներին, որոնք արդեն մոտ մեկ տարի է, ինչ քարոզում են բոյկոտը։ Նրանք օգտագործում են իրենց հասանելիք բոլոր միջոցները Բաքվում COP29-ի դեմ բոյկոտի արշավ իրականացնելու համար։ Նրանց համար վատ լուրեր ունեմ՝ 72 հազար գրանցված մասնակից ունենք 196 երկրից։ Նրանց թվում են նախագահներ, փոխնախագահներ և վարչապետներ։ Այսպիսով, աշխարհը հավաքվել է Բաքվում, և մենք աշխարհին ասում ենք՝ «Բարի գալուստ Ադրբեջան»,-ասել է նա:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Հենց Ադրբեջանն ընտրվեց որպես COP29-ը հյուրընկալող, դարձավ թիրախ. սա լավ համակարգված զրպարտչական արշավ էր մեր երկրի դեմ. Ալիև

Լրահոս

Փոխկապակցված նորություններ

Տնտեսություն

Հասարակություն