21:48:50 21°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Apple-ը թողարկել է iOS 16.4 թարմացումը. ի՞նչ նոր ֆունկցիաներ ունի այն և iPhone-ի ո՞ր մոդելների վրա կարող է տեղադրվել

    00:19 29 Մարտ 2023

    Apple-ը թողարկել է iPhone հեռախոսների համար նախատեսված iOS 16.4 թարմացումը, որում ընկերությունը շտկել է սխալները և բարելավել օպերացիոն համակարգի կայունությունը, ինչպես նաև ավելացրել մի շարք նոր գործառույթներ և ավելի քան երկու տասնյակ էմոջի:

    Ինչպես տեղեկացնում է The Verge-ը, նոր օպերացիոն համակարգը մոտ 250 ՄԲ է, երբ թարմացվում է վերջին բետա տարբերակից, և մոտ 2 ԳԲ՝ iOS 16.3-ից թարմացնելու դեպքում։ iOS 16.4-ը կարող եք ներբեռնել՝ անցնելով iPhone-ի Settings → General → Software update մենյու։

    iOS 16.4-ի հիմնական առանձնահատկություններից մեկը նոր էմոջիներն են՝ դողդոջուն դեմք, վարդագույն, կապույտ և մոխրագույն սիրտ, կաղամբ, սագ, թև, մեդուզա, հակինթ և այլն, ընդհանուր՝ 21 նոր էմոջի։

    Ձայնի մեկուսացման գործառույթն այժմ հասանելի է նաև սովորական զանգերի համար: Հեռախոսազանգի ժամանակ այն վերացնում է կողքից լսվող աղմուկը, ինչի շնորհիվ ձայնն ավելի լավ է լսվում։ Նախկինում այս գործառույթը հասանելի էր միայն FaceTime զանգերի, մեսենջերների և VoIP զանգերի համար:

    Թարմացման շրջանակում ավելացվել են նաև Push ծանուցումներ վեբ հավելվածների համար: Կրկնվող լուսանկարների որոնիչն այժմ հասանելի է iCloud Shared Photo Library-ում: Բացի դրանից, արդեն կարելի է ավտոմատ կերպով մգեցնել տեսանյութը, երբ կադրում ուժեղ լույս է երևում: Շտկվել է նաև խնդիրը, երբ երեխաներից ստացվող գնման հարցումները կարող էին չհայտնվել ծնողի սարքում:

    Նոր թարմացման շրջանակում շտկվել են նաև խնդիրները, որոնց պատճառով թերմոստատները չէին արձագանքում Apple Home-ի հետ զուգակցվելիս: Վթարի հայտնաբերման ֆունկցիան նույնպես օպտիմիզացվել է iPhone 14-ի և iPhone 14 Pro-ի համար:

    iOS 16.4 թարմացումը հնարավոր է տեղադրել հետևյալ սարքերի վրա․

    • iPhone 8 և 8 Plus,
    • iPhone X,
    • iPhone XS, XS Max և XR,
    • iPhone 11, 11 Pro և 11 Pro Max,
    • iPhone SE 2020, SE 2022,
    • iPhone 12, 12 mini, 12 Pro և 12 Pro Max,
    • iPhone 13, 13 mini, 13 Pro և 13 Pro Max,
    • iPhone 14, 14 Plus, 14 Pro և 14 Pro Max։

    iOS 16.4-ի որոշ նոր գործառույթներ կարող են հասանելի չլինել՝ կախված նրանից, թե որ տարածաշրջանում է օգտագործվում սարքը, որի վրա տեղադրվել է թարմացումը։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Online կինոաշխարհ

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One