02:21:19 -1°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Անահիտ Ավանեսյանն արյունատվության ակցիային մասնակցել է ամուսնու հետ

    16:31 14 Հունիս 2024

    ՀՀ առողջապահության նախարար Անահիտ Ավանեսյանն արյունատվության բացօթյա ակցիային այսօր մասնակցել է ամուսնու՝ Ստեփան Ավանեսյանի հետ։

    «Իմ ընտանիքում արյունատվությունը համարվում է կյանք փրկելու հնարավորություն, որը բաց թողնել չի կարելի: Այսօր` Արյան դոնորի համաշխարհային օրը, Արյունատվության բացօթյա ակցիային մասնակցեցի ամուսնուս հետ:

    Իսկ ինքնազգացողությունս շատ լավ է, քանի որ արյունատվությամբ կարևոր մեկի կյանքն ենք փրկում, մեր առողջությունը բարելավվում է, ունենում ենք ինքնաբավության անբացատրելի զգացում: Շնորհակալ եմ ձեզ, սիրելի դոնորներ»,- գրել է Ավանեսյանը:

    ՀՀ առողջապահության նախարարությունից հայտնում են, որ արյուն են հանձնել առողջապահության նախարար Անահիտ Ավանեսյանը, նախարարի առաջին տեղակալ Լենա Նանուշյանը, «Յոլյան» արյունաբանության կենտրոնի տնօրեն Հայկ Գրիգորյանը:

    Ակցիային միացել են նաև տարբեր գերատեսչությունների աշխատակիցներ, միջազգային կազմակերպությունների ներկայացուցիչներ, բազմաթիվ քաղաքացիներ և օտարերկրացիներ:

    Անահիտ Ավանեսյանը զրուցել է նաև ԶԼՄ ներկայացուցիչների հետ և նշել, որ երկրի արյան պաշարները համալրելու կարիք միշտ կա, իսկ արյուն տալով` ոչ միայն կյանք ենք փրկում, այլև արյունատվությունը բարենպաստ ազդեցություն է թողնում օրգանիզմի վրա:

    «Մենք պետք է հետևենք զարգացած երկրների օրինակներին, որտեղ անվարձահատույց դոնորության ցուցանիշները շատ բարձր են` 80%-ից ավելի: Արյունատվության մշակույթը պետք է նոր մակարդակի հասցնենք, ինչին կնպաստի Արյան բանկի նոր շենքի կառուցումը` ժամանակակից լաբորատոր ու բժշկական սարքերով»,- նշել է նախարարը:

    Անահիտ Ավանեսյանը շնորհակալություն է հայտնել բոլոր դոնորներին` ժամանակ հատկացնելու և մարդասիրական քայլ կատարելու համար:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2024 . Բոլոր իրավունքնրը պաշտպանված են։
    Նախագծող՝ Studio One