ԱՄՆ-ում մոլեգնող «Միլթոն» փոթորիկը փոխել է ուղղությունը
Սահարայի անապատը տասնամյակների ընթացքում առաջին անգամ հեղեղվել է
Հայ ռազմագերիների ազատ արձակման պահանջով ակցիաներ կանցկացվեն ՄԱԿ-ի գրասենյակի, դեսպանատների առաջ
«Վարդաշեն» ՔԿՀ-ի ծառայողներն ատամնաբուժարանից վերադարձած կալանավորված անձի մոտից հայտնաբերել են բջջային հեռախոսներ
Գազայի հատվածում Իսրայելի հարվածների հետևանքով զոհվել է ավելի քան 175 լրագրող
Փաշինյանը Մոսկվայում լռեց, քանի որ նրան խորթ են թե՛ ԽՍՀՄ հայ հերոսները, թե՛ այսօր Բաքվի բանտում գտնվող Արցախի հերոսները․ Էդուարդ Շարմազանով
Արման Թաթոյանը, Արտակ Բեգլարյանն ու Գառնիկ Քերքոնեանը Փարիզում քննարկել են արցախցիների իրավունքներին վերաբերող հարցեր
Մոլդովացի ֆերմերները հայտարարել են նոր բողոքի ակցիաների մասին
Իսպանիայի կառավարությունը երրորդ ռազմական ինքնաթիռն է ուղարկել Լիբանան՝ տարհանելու իր քաղաքացիներին
Հայաստանի մինչև 17 տարեկանների հավաքականը 8։0 հաշվով պարտվել է Լեհաստանի ընտրանուն

Անահիտ Մանասյանը «Աբովյան» քրեակատարողական հիմնարկում էր

21:21 11 Սեպտեմբեր 2024

ՄԻՊ գրասենյակը հաղորդագրություն է տարածել, որում նշված է․

«Մարդու իրավունքների պաշտպան Անահիտ Մանասյանը սեպտեմբերի 11-ին մասնակցել է «Աբովյան» քրեակատարողական հիմնարկում վերակառուցված նոր երկու մասնաշենքի բացման արարողությանը:

Կատարված աշխատանքների արդյունքում վերանորոգվել են ազատազրկված կանանց մասնաշենքը, որը ներառում է հղի և մինչև 3 տարեկան երեխա ունեցող կանանց առանձնացված խցեր, ինչպես նաև ուսումնական կենտրոնը, որը ներառելու է մարզադահլիճ, գրադարան, լսարաններ, միջոցառումների դահլիճ և արհեստագործական ուսումնական սենյակներ՝ հագեցած համապատասխան ժամանակակից գույքով ու սարքավորումներով:

Արարողությանը ներկա են եղել ՀՀ արդարադատության նախարար Գրիգոր Մինասյանը, ՀՀ ԱՆ քրեակատարողական ծառայության պետ Ամբակում Գրիգորյանն ու ՀՀ-ում ԵՄ պատվիրակության ղեկավար Վասիլիս Մարագոսը:

Անահիտ Մանասյանն իր խոսքում նշել է, որ ազատությունից զրկված անձանց իրավունքների հետ կապված հարցերը գտնվում են իր ուշադրության կենտրոնում:

«Կարևոր է երաշխավորել ազատությունից զրկված անձանց բոլոր իրավունքները, այդ թվում՝ երաշխավորելով նրանց համար հասանելի տարբեր ծառայությունների և նրանց միջավայրի պատշաճ մակարդակը միջազգային չափանիշներին համապատասխան: Այդ հանգամանքների չերաշխավորումը շատ հաճախ հանգեցնում է տարբեր խնդիրների՝ թե արժանապատվությունը նվաստացնող վերաբերմունքի դիտանկյունից, թե կարող է հանգեցնել իրավունքի տարբեր այլ խախտումների, օրինակ՝ կրթության, կանանց իրավունքների, հղիների ու մինչև 3 տարեկան երեխաների խնամող կանանց իրավունքների հետ կապված հարցերի։ Այդ խնդիրները մենք ոչ միայն արձանագրել ենք, այլև տարբեր ձևաչափերով անընդհատ ենք դրանց մասին բարձրաձայնում»,-ասել է Պաշտպանը:

Բացման արարողությունից հետո ներկաները շրջայց են կատարել քրեակատարողական հիմնարկի վերանորոգված մասնաշենքերում՝ ծանոթանալով ստեղծված պայմաններին»։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ