Թալիբների կառավարության անդամներից մեկը մահացել է՝ նախարարության շենքում պայթյունի հետևանքով

19:32 11 Դեկտեմբեր 2024

Քաբուլում պայթյունի հետևանքով մահացել է արմատական «Թալիբան» շարժման կողմից ձևավորված աֆղանական կառավարության փախստականների հարցերով նախարար Խալիլ ուր-Ռահման Հաքքանին, հայտնել է Al Jazeera-ն։

«Աֆղանստանի փախստականների հարցերով նախարար Խալիլ Հաքքանին զոհվել է Քաբուլի կենտրոնում գտնվող նախարարության շենքում տեղի ունեցած պայթյունի հետևանքով»,- հայտնել է գործակալությունը, դեպքի մասին այլ մանրամասներ չեն հաղորդվում։

Խալիլ ուր-Ռահման Հաքքանին Աֆղանստանի փախստականների հարցերով նախարար է նշանակվել 2021 թվականի սեպտեմբերի 7-ին, երբ թալիբները հայտարարեցին ժամանակավոր կառավարության կազմը՝ օգոստոսին Աֆղանստանի նկատմամբ վերահսկողություն հաստատելուց հետո։

Խալիլ ուր-Ռահման Հաքքանին Թալիբանի հետ կապված «Հաքքանի ցանցի» առաջնորդ Սիրաջուդդին Հաքքանիի ազգականն է։ Այս խմբավորումը մեղադրվում է Աֆղանստանում բազմաթիվ ահաբեկչություններ կատարելու մեջ։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Թալիբների կառավարության անդամներից մեկը մահացել է՝ նախարարության շենքում պայթյունի հետևանքով

Լրահոս

Փոխկապակցված նորություններ

Տնտեսություն

Հասարակություն