07:23:52 8°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Թուրքիան կզբաղվի Սիրիայի բանակի վերակառուցմամբ. թուրքական մամուլ

    23:49 7 Փետրվար 2025

    Սիրիայում իշխանափոխոխությունից հետո Թուրքիան ակտիվ դերակատարություն կունենա սիրիական բանակի վերակառուցման գործում։ Այդ մասին հայտնել են թուրքական «‎YetkinReport»‎ լրատվամիջոցի աղբյուրները, գրում է ermenihaber.am-ը: 

    Ըստ տեղեկության՝ Սիրիայի անցումային շրջանի նախագահ Ահմեդ ալ- Շարան փետրվարի 4-ին Անկարա կատարած այցի ժամանակ առաջարկել է Թուրքիային զբաղվել Սիրիայի բանակի վերակառուցմամբ և այդ ուղղությամբ արդեն բանակցություններ են սկսվել: Սիրիայի նոր ղեկավարը Անկարայում հանդիպել էր Թուրքիայի նախագահ Ռեջեփ Թայիփ Էրդողանի հետ:

    «‎YetkinReport»‎-ին տրամադրված տեղեկատվության համաձայն՝ Թուրքիայի պաշտպանության նախարար Յաշար Գյուլերի հանձնարարությամբ ձևավորվել է պատվիրակություն բարձրաստիճան զինվորականներից, որոնք մեկնել են Սիրիա և տեղում գնահատական տվել իրավիճակին:

    Թուրքիայի պաշտպանության նախարարության աղբյուրներից ստացված տեղեկատվության համաձայն՝ թուրք-սիրիական ռազմական հարաբերությունների զարգացման համար նախատեսվում է հետևյալ ծրագիրը:

    1. Առաջնահերթ խնդիրն է լինելու ապահովել Սիրիայում բոլոր պետական ապարատների անխափան աշխատանքը: Այս ուղղությամբ Թուրքիան կապահովի տեխնիկական և քաղաքալամ աջակցություն:

    2. Հընթացս սիրիական կողմը կորոշի իր պաշտպանական կարիքները և կհստակեցնի, թե ինչ է ակնկալում Թուրքիայից։

    Թուրքական աղբյուրներն շեշտում են, որ իրենք պատրաստ բավարարել Սիրիայի անվտանգության ու պաշտպանության հետ կապված բոլոր կարիքները: Սա ներառում է նաև ռազմական աջակցության խնդրանքը, որը Սիրիայի նոր իշխանություններին կարող է անհրաժեշտ լինել, մինչև Դամասկոսը կարողանա դա անել ինքնուրույն:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Հասարակություն

    ՏԵՍՆԵԼ ԱՎԵԼԻՆ