02:52:05 0°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Պուտինը հաջողություն է մաղթել Լուկաշենկոյին առաջիկա նախագահական ընտրություններում

    21:15 19 Հունվար 2025

    Ռուսաստանի նախագահ Վլադիմիր Պուտինն ու Բելառուսի նախագահ Ալեքսանդր Լուկաշենկոն հեռախոսազրույց են ունեցել:

    Նրանք հաստատել են իրենց հանձնառությունը երկու երկրների միջև դաշինքի և ռազմավարական գործընկերության հետագա ամրապնդման մասին, ինչպես նաև պայմանավորվել են հետագա շփումների մասին, հաղորդում է Կրեմլի մամուլի ծառայությունը։

    Ինչպես հաղորդում է Բելտա պետական գործակալությունը՝ Բելառուսի ղեկավարի մամուլի ծառայությանը հղումով, կողմերը քննարկել են երկկողմ համագործակցության ընթացիկ աշխատանքային հարցեր, բոլոր ոլորտներում բելառուս-ռուսական համագործակցության ինտենսիվությունը պահպանելու անհրաժեշտությունը։

    «Վլադիմիր Պուտինը ջերմորեն շնորհավորել է Ալեքսանդր Լուկաշենկոյին Աստվածահայտնության տոնի կապակցությամբ և իր բարեմաղթանքները փոխանցել Բելառուսի բոլոր ուղղափառ քաղաքացիներին»,- ասվում է տեքստում:

    Պուտինը նաև հաջողություն է մաղթել Լուկաշենկոյին հունվարի 26-ին կայանալիք նախագահական ընտրություններում։

    ԿԱՅՔԻ ՀԻՆ ՏԱՐԲԵՐԱԿ

    Լրահոս