Եթե հակառակորդը գործողություններ իրականացնի, ԶՈւ-ն միշտ պատրաստ է հակահարված տալու. Անդրանիկ Քոչարյան
Ազգերի լիգա. Հայաստան-Վրաստան և օրվա մյուս խաղերի ժամանակացույցը
Ինչքա՞ն կարելի է քրեական գործ հարուցել ու այդպես հարուցած մնա. Փաշինյան
Երկու ընկերություններ արտոնություն ստացան. Մեկն արտադրում է բժշկական պարագաներ, մյուսը՝ սպունգ ու միկրոֆիբրե լաթեր
Արթուր Նահապետյանը նշանակվեց Հակակոռուպցիոն կոմիտեի նախագահ
Մեկնարկել է կառավարության հերթական նիստը (Ուղիղ)
Ֆասթ Բանկն առաջարկում է ամենաբարձր տոկոսադրույքով ավանդի ներդրման հնարավորություն
Վարչապետը շնորհավորական ուղերձներ է հղել Իրանի հոգևոր առաջնորդին և նախագահին
Շիրակի մարզում նույն հասցեից մանակահասակ 3 եղբայրներ ջերմային այրվածքներով տեղափոխվել են հիվանդանոց
Բրազիլիայի հետ մեր գործընկերությունը ցույց է տալիս միջազգային համագործակցության ներուժը. ԱԳ նախարար

Նպատակ ունենք ապահովելու մեր քաղաքացիների համար առողջապահական ծառայությունների հասանելիություն, մատչելիություն և ֆինանսական պաշտպանություն. Ավանեսյան

21:16 29 Մայիս 2024

Առողջապահության նախարար Անահիտ Ավանեսյանը Ժնևում մասնակցում է Առողջապահության համաշխարհային կազմակերպության (ԱՀԿ) 77-րդ առողջապահական համաշխարհային վեհաժողովին:

Ամենամյա վեհաժողովը ԱՀԿ որոշումներ կայացնող բարձրագույն մարմին է`

անդամ-պետությունների բարձրաստիճան պատվիրակությունների, դիտորդների, միջազգային կառույցների մասնակցությամբ:

Այս տարի այն ընթանում է «Բոլորը` հանուն առողջության, առողջություն` բոլորի համար» խորագրով:

Ներկայացնելով Հայաստանի վերափոխման ռազմավարությամբ և ՀՀ կառավարության 5-ամյա ծրագրով առողջապահության ոլորտում համակարգային բարեփոխումների ճանապարհային քարտեզը` Անահիտ Ավանեսյանը նշել է. «Անցած տարիների մարտահրավերները հստակ ցույց տվեցին առողջապահական կայուն համակարգի կառուցման և դրա առաջանցիկ զարգացման կարևորությունը։ Ձեռնամուխ ենք եղել առողջապահական համակարգի բարեփոխման հավակնոտ ճամփորդության, այդ թվում՝ առողջության առաջնային պահպանման օղակի հզորացման, որակի բարելավման և էլեկտրոնային առողջապահության ներդրմամբ՝ որպես առողջապահական համակարգի հիմք: Նպատակ ունենք ապահովելու մեր քաղաքացիների համար առողջապահական ծառայությունների հասանելիություն, մատչելիություն և ֆինանսական պաշտպանություն»:

Նախարարն անդրադարձել է նաև հակամանրէային կայունության տարածման նվազեցման, ոչ վարակիչ հիվանդությունների կանխարգելման, վաղ հայտնաբերման և ռիսկի գործոնների նվազեցման, հոգեկան առողջության պահպանման աջակցությանն ուղղված աշխատանքներին` ԱՀԿ առաջնահերթություններին համահունչ:

Նա իր ելույթում ընդգծել է նաև անդամ երկրների միջև համերաշխության և հավաքական գործողությունների կարևորությունը` հնարավոր գլոբալ մարտահրավերներին դիմակայելու համար:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ