22:37:14 -2°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Լեհաստանը ԵՄ Խորհրդում նախագահության ընթացքում նպատակ ունի աջակցել Երևանի և Բաքվի միջև հարաբերությունների կարգավորմանը

    21:56 10 Հունվար 2025

    ԵՄ խորհրդում Լեհաստանի նախագահությունը, ի թիվս այլնի, 2025 թվականին ուղղված կլինի նաև Բաքվի և Երևանի միջև հարաբերությունների կարգավորմանը, Հարավային Կովկասի տարածաշրջանում իրավիճակի կայունացմանն աջակցելուն։ Այս մասին Report-ի հարցմանն ի պատասխան հայտնել են Լեհաստանի արտաքին գործերի նախարարությունից։

     

    ՛՛ԵՄ-ն Լեհաստանի նախագահության շրջանում կշարունակի աջակցել Ադրբեջանի և Հայաստանի միջև կարգավորմանը։ Աջակցում ենք կայուն խաղաղության հասնելուն ուղղված բոլոր գործողություններին։ ԵՄ-ի դերը խաղաղ գործընթացում շատ կարեւոր է եւ պետք է շարունակվի։ Մենք ցանկանում ենք ընդգծել այն հնարավորությունները, որոնք դա ստեղծում է Հարավային Կովկասի տարածաշրջանի համագործակցության համար ԵՄ-ի և մեր երկրի հետ՛՛,-նշել են արտաքին քաղաքական գերատեսչությունում։

     

    Նախարարությունում հավելել են, որ Ադրբեջանի և Հայաստանի միջև հարաբերությունների կարգավորումը թույլ կտա զարգացնել տարածաշրջանը և լուծել հրատապ հումանիտար հարցերը, անհայտ կորածների խնդիրը, ականազերծման և պատմական ու մշակութային արժեքների պաշտպանության հարցերը:

     

    ԱԳՆ-ում ընդգծել են, որ Լեհաստանը պաշտպանում է ինչպես Ադրբեջանի, այնպես էլ Հայաստանի տարածքային ամբողջականությունը: Գերատեսչությունում նաև համոզմունք են հայտնել, որ կողմերի միջև մնացած բոլոր չլուծված հարցերը կարող են լուծվել դիվանագիտական ճանապարհով:

     

    Նշենք, որ Լեհաստանը ԵՄ խորհրդում նախագահում է 2025 թվականի առաջին կիսամ

    յակում։

     

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One