20:36:46 11°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Թուրքիան եւ ԱՄՆ-ն առաջիկայում բանակցություններ կանցկացնեն F-35-ի շուրջ

    22:18 23 Հունվար 2022

    Անկարան ու Վաշինգտոնը բանակցություններ կանցկացնեն F-35 կործանիչների շուրջ հունվարի վերջում փետրվարի սկզբում ԱՄՆ-ում, հայտնել է Թուրքիայի պաշտպանության նախարար Հուլուսի Աքարը, հաղորդում է ՌԻԱ Նովոստի-ն:

    Ավելի վաղ ԱՄՆ-ն ուղարկել էր պաշտոնական ծանուցում Թուրքիային F-35 նորագույն կործանիչների մատակարարման ծրագրից Թուրքիային հեռացնելու մասին, երբ Անկարան ձեռք էր բերել ռուսական Ս-400 ՀՕՊ համակարգերը: ԱՄՆ-ն չեղարկել է F-35-ի մասին համատեղ հուշագիրը, որը ստորագրվել է Թուրքիայի կողմից 2007 թվականի հունվարին՝ ստորագրելով այն նախագծի մյուս յոթ գործընկերների՝ Մեծ Բրիտանիայի, Իտալիայի, Նիդերլանդների, Ավստրալիայի, Դանիայի, Կանադայի եւ Նորվերգիայի հետ: Թուրքիայի նախագահը հայտարարել է, որ ԱՄՆ-ն առաջարկել է նրա երկրին ձեռք բերել F-16 կործանիչները F-35-ի մատակարարման ծրագրից բացառելուց հետո:

    «Ինչ վերաբերում է F-35-ին, մենք հարցրել ենք. «Մենք մեր ներդրում ենք ունեցել, ինչպե՞ս պետք է իրականացվի փոխհատուցումը»: Ամերիկյան կողմն ասել է, որ հասկանում է: Հունվարի վերջում-փետրվարի սկզբում հանդիպելու մասին պայմանավորվածություն է ձեռքբերվել: Մեր պատվիրակությունը կմեկնի ԱՄՆ: Թուրքիայի համար նախատեսված վեց F-35 կործանիչները կանգնած են անգարում: Քննարկվում է դրանց ապագան»,-հաղորդում է Milliyet-ը:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2022 . Բոլոր իրավունքնրը պաշտպանված են։
    Նախագծող՝ Studio One