Չինաստանում ծնողները, որպես պատիժ, 8-ամյա որդուն ստիպել են մինչև լուսաբաց հեռուստացույց դիտել (տեսանյութ)

00:15 29 Նոյեմբեր 2022

Չինացի զույգը համացանցում բուռն քննարկումների առիթ է տվել՝ երեխային պատժելու տարօրինակ ձևի պատճառով:

Ինչպես գրում է Oddity Central-ը, ծնողներն իրենց երեխային չափից ավելի շատ հեռուստացույց դիտելու համար պատժել են՝ նրան ստիպելով ամբողջ գիշեր արթուն մնալ ու մինչև լուսաբաց հեռուստացույց նայել:

Աղբյուրը մանրամասնում է, որ տնից դուրս գալուց առաջ ամուսիններն 8-ամյա որդուն խնդրել են ավարտել տնային աշխատանքը և ժամը 8:30-ին պառկել քնելու: Բայց երբ նրանք վերադարձել են գիշեր, երեխային տեսել են բազմոցի վրա՝ հեռուստացույց դիտելիս, թեև քնելու ժամանակը վաղուց անցել էր: Նրանք նաև իմացել են, որ երեխան իր տնային աշխատանքը չի կատարել, ուստի որոշել են դաս տալ նրան։

Ըստ տնային տեսախցիկների կադրերի, որոնք վերջերս տարածվել են չինական սոցիալական ցանցերում, իրադարձությունները ծավալվել են նոյեմբերի 11-ի գիշերը:

Բարկացած ծնողները սենյակ ուղարկելու և պատիժը վաղվան թողնելու փոխարեն, միացնում են հեռուստացույցը և ասում, որ նա շարունակի դիտել իր սիրելի հաղորդումները։ Սկզբում երեխան հանգիստ տեսք ունի, բայց մինչ ժամերն անցնում են, նա պայքարում է արթուն մնալու համար: Տեսանյութում երևում է, որ տղան բազմիցս փորձում է գնալ իր սենյակ՝ քնելու, բայց մայրը նրան հետ է վերադարձնում և ստիպում շարունակել հեռուստացույց դիտել: Գիշերվա ժամը 2-ին երեխան լացում է ու աղաչում մորը, որ իրեն թույլ տա քնել, սակայն ապարդյուն:

Ի վերջո տղային թույլ են տվել քնել միայն առավոտյան ժամը 5-ին:

Շատերը ծնողների նման մոտեցումը քննադատել են՝ այն համարելով չարաշահում:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Չինաստանում ծնողները, որպես պատիժ, 8-ամյա որդուն ստիպել են մինչև լուսաբաց հեռուստացույց դիտել (տեսանյութ)

Լրահոս

Փոխկապակցված նորություններ

Տնտեսություն

Հասարակություն