Նոր որոշում. Տավուշի 80 դպրոցներ ամբողջությամբ կհագեցվեն լաբորատոր սարքավորումներով, և գույքով

13:28 7 Հուլիս 2022

Կառավարությունն իր այսօրվա՝ հուլիսի 7-ի նիստում հաստատեց Հայաստանի եւ Համաշխարհային բանկի միջև «ԵՄ-ն հանուն նորարարության» ծրագիր․ դրամաշնորհ թիվ TF0B2692» դրամաշնորհային համաձայնագրի թիվ 1 փոփոխությունը:

Որոշման հիմնավորման մեջ նշվում է, որ ՀՀ-ի ու Համաշխարհային բանկի միջև 2022թ. մայիսի 19-ին և հունիսի 14-ին ստորագրվել է ««ԵՄ-ն հանուն նորարարության ծրագիր»․ Դրամաշնորհ թիվ TF0B2692-դրամաշնորհային համաձայնագրի թիվ 1 փոփոխություն» նամակ-համաձայնագիրը:

«Կրթական ծրագրերի կենտրոն» ԾԻԳ պետական հիմնարկի կողմից իրականացվող «ԵՄ-ն հանուն նորարարության. գիտության, տեխնոլոգիայի, ճարտարագիտության, մաթեմատիկայի (ԳՏՃՄ) ոլորտներում կրթության բարելավում» դրամաշնորհային համաձայնագիր թիվ 1 փոփոխությունը (Դրամաշնորհ թիվ TF0B2692) համահունչ է ՀՀ կառավարության 2021-2026 թվականների ծրագրի «Մարդկային կապիտալի զարգացում» բաժնի «Կրթություն» կետով ամրագրված «մինչև 2026 թվականը հանրապետության բոլոր 1400 դպրոցներում ստեղծել ժամանակակից բնագիտական և ինժեներական լաբորատորիաներ՝ էապես բարելավելով կրթության որակը» դրույթին։

Վերոնշյալ փոփոխությունը հնարավորություն կտա ՀՀ Տավուշի մարզի թվով 80 դպրոցներում ֆիզիկա, քիմիա, կենսաբանություն, աշխարհագրություն և ՏՀՏ առարկաներից լաբորատոր սարքավորումների, պարագաների, նյութերով և գույքով տրամադրման գործընթացը ամբողջական ապահովելու համար։

Նշված դպրոցները հագեցած կլինեն առարկայական վերանայված ծրագրերին և չափորոշչին համապատասխանող ժամանակակից բնագիտական և ինժեներական լաբորատոր սարքավորումներով և գույքով, ինչպես նաև անհրաժեշտ համակարգչային սարքավորումներով, որն էլ առավել արդյունավետ կդարձնի լաբորատորիաներում դասավանդման ժամանակակից մեթոդների կիրառումը։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ