ՀՀ կառավարության առաջնահերթություններից է մնում ՀՀ-ԵՄ վիզաների ազատականացման երկխոսության մեկնարկը․ Միրզոյանը՝ Մալթայի գործընկերոջը
ԱԳ նախարարի տեղակալն ընդգծել է Լիտվայի հետ ներկա հարաբերությունների բարձր մակարդակն ու ձեռք բերված դինամիկան
ՔՊ-ն Ալավերդու համայնքապետին անվստահություն հայտնելու վերաբերյալ ավագանու որոշում է ներկայացրել
ՀԱՄԱՍ-ը հրապարակել է 30 անձանց ցուցակը, որոնք պետք է ազատ արձակվեն Իսրայելի կողմից
Ողբերգական դեպք՝ Կոտայքի մարզում. Չարենցավան-Երևան երթուղին սպասարկող մարդատար ГАЗель-ը վարելիս 70-ամյա վարորդը հանկարծամահ է եղել
Գերմանիայում աճում է գործազրկության մակարդակը
Telegram-ի աշխատանքում զանգվածային խափանումներ են տեղի ունեցել․ Downdetector
Միրզոյանը Շվեյցարիայի ԱԳ նախարարի հետ Հարավային Կովկասում տիրող իրավիճակն է քննարկել
Կոռուպցիան «օրինականացվեց»՝ պաշտոնյաների աշխատավարձերը տիեզերական մակարդակի հասցնելով, ԱԺ խոսնակի, վարչապետի եղբայրների ծաղկող բիզնեսներով․ Ավետիք Իշխանյան
«Սևան» ՔԿՀ-ի դատապարտյալները դադարեցրին հացադուլը

Մեկնարկել են ԱՀ ԱԺ 7-րդ գումարման 6-րդ նստաշրջանի աշխատանքները

20:40 29 Սեպտեմբեր 2022

Սեպտեմբերի 29-ին գումարվել է ԱՀ ԱԺ 7-րդ գումարման 6-րդ նստաշրջանի առաջին նիստը։ Այս մասին հայտնում են ԱՀ ԱԺ-ից։

«Խորհրդարանականները նախ մեկ րոպե լռությամբ հարգել են Արցախյան 3 պատերազմներում և ՀՀ սահմանների պաշտպանության համար նահատակված քաջորդիների հիշատակը։

Նստաշրջանի և նիստի օրակարգերը հաստատելուց հետո խորհրդարանը անցել է օրենսդրական աշխատանքներին։

«Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում փոփոխություններ կատարելու մասին» նախագիծը ԱԺ քննարկմանն է ներկայացրել ԱՀ պետեկամուտների կոմիտեի նախագահ Դավիթ Պողոսյանը։

Օրենքի նախագծի վերաբերյալ ֆինանսաբյուջետային և տնտեսական կառավարման հարցերի մշտական հանձնաժողովի դրական եզրակացությունը ստանալուց հետո օրենքն ընդունվել է 30 կողմ ձայնով։

««Պետական պաշտոններ զբաղեցնող անձանց վարձատրության մասին» օրենքում փոփոխություն կատարելու մասին» օրինագիծը գլխադասային՝ ֆինանսաբյուջետային և տնտեսական կառավարման հարցերի մշտական հանձնաժողովում արժանացել էր դրական եզրակացության։ 30 կողմ ձայնով այն ընդունվել է որպես օրենք։

Հերթական օրենսդրական փոփոխությունը վերաբերում էր ««Արտոնագրային վճարների մասին» օրենքում լրացում կատարելու մասին» ԱՀ օրենքի նախագծին։ ԱԺ արտադրության և արտադրական ենթակառուցվածքների հարցերի մշտական հանձնաժողովի դրական եզրակացությամբ՝ 29 կողմ ձայնով այն ընդունվել է որպես օրենք։

««Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում լրացումներ և փոփոխություններ կատարելու մասին» օրենքի նախագիծը խորհրդարանի կողմից ընդունվել է 30 կողմ, ««Պետական և ծառայողական գաղտնիքի մասին» օրենքում փոփոխություններ կատարելու մասին» օրենքի նախագիծը՝ 28 կողմ և ««Տեղական տուրքերի և վճարների մասին» օրենքում լրացում կատարելու մասին» ԱՀ օրենքի նախագիծը՝ 28 կողմ ձայներով։

Հաջորդ նախագիծը «Գույքահարկի մասին» օրենքում լրացումներ և փոփոխություններ կատարելու մասին», ««Հողի հարկի մասին» օրենքում փոփոխություններ կատարելու մասին», ««Հարկերի մասին» օրենքում փոփոխություն կատարելու մասին» օրենքների նախագծերի փաթեթի քննարկումն էր: Գլխադասային հանձնաժողովի դրական եզրակացությամբ՝ նախագծերի փաթեթը 26 կողմ ձայնով ընդունվել է։

«Քաղաքացիական դատավարության օրենսգրքում փոփոխություններ և լրացում կատարելու մասին» և «Վարչական դատավարության օրենսգրքում փոփոխություններ և լրացումներ կատարելու մասին» օրենքների նախագծերի փաթեթը նախապես արժանացել էր պետաիրավական հարցերի մշտական հանձնաժողովի դրական եզրակացությանը։ 28 կողմ ձայնով փաթեթն ընդունվել է որպես օրենք։

««Հասարակական կազմակերպությունների մասին» օրենքում փոփոխություններ կատարելու մասին» օրենքի նախագիծը՝ 28 կողմ ,«Քաղաքացիական ծառայության մասին» օրենքում փոփոխություններ կատարելու մասին» օրենքի նախագիծը՝ 26 կողմ, «Ոստիկանությունում ծառայության մասին» օրենքում փոփոխություն կատարելու մասին» նախագիծը՝ 25 կողմ և ««Արցախի Հանրապետության բռնազավթված տարածքների մասին» օրենքում փոփոխություն կատարելու մասին» օրենքի նախագիծը՝ 20 կողմ ձայներով ընդունվել են որպես օրենքներ։

Նիստի ընթացքում քննարկվել է «Գազի սակագնի սուբիդավորման առաջարկի մասին» որոշման նախագիծը, որը միաձայն ընդունվել է խորհրդարանի կողմից և ներկայացվելու է ԱՀ կառավարությանը։

Կեսօրին գործադիրի հետ հարց ու պատասխանի ժամին պատգամավորները կառավարության անդամներին են ուղղել 23 հարց: Առաջին հարցադրումը՝ էլեկտրաէներգիայի սուբսիդավորման վերաբերյալ հնչեցրել է Ազգային ժողովի նախագահ Արթուր Թովմասյանը: Տարածքային կառավարման և ենթակառուցվածքների նախարար Հայկ Խանումյանը հարցադրմանն ի պատասխան հայտնել է, որ կառավարությունը նախկին սակագներին վերադառնալու որոշումը ուժը կորցրած է ճանաչել: Խորհրդարանի ղեկավարը ողջունել է այդ որոշումը՝ շեշտելով, որ ետպատերազմյան շրջանում բնակչությունը սոցիալական ծրագրերի ակտիվացման կարիք ունի:

Մյուս հարցադրումները ձմռանը էլեկտրաէներգիայի անխափան աշխատանքի, քաղպաշտպանության ոլորտին տրամադրվող միջոցների ու կատարվող աշխատանքների արդյունավետության բարձրացման, Սարսանգի ջրամբարի շահագործման պայմանների, առողջապահության ու կրթության հիմնախնդիրների վերաբերյալ էին:

Նիստի ավարտին պատգամավորների հայտարարություններով հանդես են եկել Արթուր Հարությունյանը, Մետաքսե Հակոբյանը և Գեղամ Ստեփանյանը»,- ասվում է հաղորդագրությունում։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Տնտեսություն

ՏԵՍՆԵԼ ԱՎԵԼԻՆ

Հասարակություն

ՏԵՍՆԵԼ ԱՎԵԼԻՆ