ԱՄՆ-ում մոլեգնող «Միլթոն» փոթորիկը փոխել է ուղղությունը
Սահարայի անապատը տասնամյակների ընթացքում առաջին անգամ հեղեղվել է
Հայ ռազմագերիների ազատ արձակման պահանջով ակցիաներ կանցկացվեն ՄԱԿ-ի գրասենյակի, դեսպանատների առաջ
«Վարդաշեն» ՔԿՀ-ի ծառայողներն ատամնաբուժարանից վերադարձած կալանավորված անձի մոտից հայտնաբերել են բջջային հեռախոսներ
Գազայի հատվածում Իսրայելի հարվածների հետևանքով զոհվել է ավելի քան 175 լրագրող
Փաշինյանը Մոսկվայում լռեց, քանի որ նրան խորթ են թե՛ ԽՍՀՄ հայ հերոսները, թե՛ այսօր Բաքվի բանտում գտնվող Արցախի հերոսները․ Էդուարդ Շարմազանով
Արման Թաթոյանը, Արտակ Բեգլարյանն ու Գառնիկ Քերքոնեանը Փարիզում քննարկել են արցախցիների իրավունքներին վերաբերող հարցեր
Մոլդովացի ֆերմերները հայտարարել են նոր բողոքի ակցիաների մասին
Իսպանիայի կառավարությունը երրորդ ռազմական ինքնաթիռն է ուղարկել Լիբանան՝ տարհանելու իր քաղաքացիներին
Հայաստանի մինչև 17 տարեկանների հավաքականը 8։0 հաշվով պարտվել է Լեհաստանի ընտրանուն

Հոսանքի անջատումների պատճառը համակարգի մաշվածությունն է. սպասարկման որակի բարելավմանը 65 միլիարդով քիչ ներդրում է ուղղվել

17:32 20 Սեպտեմբեր 2024

Էլեկտրաէներգիայի հաճախակի անջատումների պատճառը համակարգի մաշվածությունն է. սպասարկման որակի ցուցանիշների բարելավման ուղղությամբ 2016–2023թթ. նախատեսվածի նկատմամբ 65 մլրդ-ով ավելի քիչ ներդրումներ են իրականացվել:

«Արմենպրես»-ի փոխանցմամբ՝ այս մասին ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանն ԱԺ–ում «Քաղաքացիական պայմանագիր» խմբակցության հետ՝ էլեկտրաէներգիայի մատակարարման խնդիրների թեմայով հանդիպմանը:

Գարեգին Բաղրամյանը ներկայացրեց, թե 2016–2023թթ ինչ աշխատանքներ են նախատեսված եղել ՀԷՑ–ի ներդրումային ծրագրով: Ներդրումները 7 տարվա համար նախատեսված են եղել 233 մլրդ: Ներդրումների շուրջ 50 տոկոսը պետք է ուղղվեր սպասարկման որակի ցուցանիշների բարելավմանը: Նոր սպառողների միացումների համար նախատեսված է եղել 28 մլրդ դրամ:

Սրանք այն հիմնական արդյունքային ցուցանիշներն են, որոնք եղել են ներդրումային ծրագրի հիմքում: Սակայն Բաղրամյանը ներկայացրեց, թե ինչ է տեղի ունեցել փաստացի. «7 տարում ներդրումների ծավալները գրեթե պահպանվել են: Այսինքն՝ նախատեսված 233 մլրդ–ի դիմաց փաստացի 230 մլրդ–ն իրականացել է: Սպասարկման որակի ցուցանիշների բարելավման ուղղությամբ 50 տոկոսով ավելի քիչ ներդրում է իրականացվել: 65 մլրդ–ով ավելի քիչ ներդրում է իրականացվել»:

Այսպիսով` սպասարկման որակի ցուցանիշների բարելավման ուղղությամբ նախատեսված 133.7 մլրդի դիմաց ներդրվել է 68.7 մլրդ

Ըստ ՀԾԿՀ նախագահի՝ դրա համար կան օբյեկտիվ պատճառներ: Պատճառներից մեկը մեծ թվով նոր սպառողների միացումն է: Նոր սպառողների միացման ուղղությամբ նախատեսված 28 մլրդ–ի փոխարեն ուղղվել է 66.6 մլրդ, այսինքն՝ թիվը գերազանցվել է մոտ 39 մլրդ–ով: «Նոր սպառողների միացումը պարտադիր, առաջնահերթ իրականացվող ներդրում է: Դրանք ընդհանուր ռեսուրսից խլել են մոտ 39 մլրդ»,–ասաց Բաղրամյանը:

Նա շարունակեց՝ ընկերությունը սպասարկման որակին ուղղվող ներդրումների հաշվին իր ներդրումներն ուղղել է առևտրային հաշվառման համակարգի բարելավման ուղղությամբ: «Արդյունքում, իհարկե, սպասարկման որակը որոշ չափով չի բարելավվել, բայց դրա արդյունքում, եթե սակագնում ներառել ենք 7.5 տոկոս կորուստ, փաստացի կորուստներն արդեն 6.5 տոկոս են: Դա դրական ազդեցություն է ունենում ընդհանուր սակագների վրա»,–ասաց նա:

Ապա ՀԾԿՀ նախագահը շարունակեց. «Մեր կարծիքով ամենամեծ խնդիրը, որ այսօր ունենք հոսանքի հաճախակի անջատումների համար, համակարգի մաշվածությունն է: Փաստորեն ռեսուրսները, որոնք ուղղվում են այդ ուղղությանը, որոշակի նվազել են, քանի որ կանխատեսվող նոր սպառողների միացումներն են շատացել»:

Բաղրամյանի խոսքով՝ այդ ուղղությամբ վերջին 2 տարում 3 միջոցառում է իրականացվել, օրինակ՝ էականորեն բարձրացվել են նոր միացման վճարները:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ