01:45:54 0°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Երևանում թենիսի ակադեմիա կհիմնվի. այնտեղ 6 բաց և 4 փակ կորտ կլինի

    13:03 4 Նոյեմբեր 2024

    Երևանի Քանաքեռ–Զեյթուն վարչական շրջանում նախատեսվում է թենիսի ակադեմիա հիմնել։ Այս մասին Երևանի քաղաքապետարանի գործակարգավարական խորհրդակցության ժամանակ հայտարարեց աշխատակազմի սպորտի և երիտասարդության հարցերի վարչության պետ Արսեն Մակվեցյանը։

     

    Նշենք, որ դեռ տարվա սկզբին Երևանի քաղաքապետ Տիգրան Ավինյանը հայտարարեց, որ Օղակաձև այգու 4-րդ հատվածում գտնվող պատմական թենիսի կորտերն («Արարատ» թենիսի ակումբի կորտեր – խմբ.) այգու տրամաբանության մեջ չեն տեղավորվում։ Ավինյանի հայտարարություններից հետո բազմաթիվ քաղաքացիներ, թենիսիստներ, ճարտարապետներ դեմ արտահայտեցին թենիսի կորտերի և՛ քանդմանը, և՛ տեղափոխմանը։

     

    Մակվեցյանի խոսքով` հավաքովի կոնստրուկցիաներով մարզադաշտի կառուցման աշխատանքները մեծ կարևորություն ունեն Երևանի սպորտային ենթակառուցվածքների զարգացման և երիտասարդների առողջ ու ակտիվ միջավայրի ապահովման համար։ Նոր մարզադաշտի կառուցումը հնարավորություն կտա արագ և արդյունավետ սպորտային հարթակ ստեղծել։ Արդեն իսկ կազմվել է հավաքովի կոնստրուկցիաների մարզադաշտի ելակետային տվյալներով տեխնիկական բնութագիրը։ Առաջիկայում նախագծային մրցույթ հայտարարելու համար այդ բնութագիրը կփոխանցվի շինարարության և բարեկարգման վարչությանը։

    «Ակադեմիայում 6 բաց և 4 փակ կորտ կլինի։ Նախագծային աշխատանքներն արդեն մեկնարկել են։ Մարզակառույցը 350 նստատեղ կունենա, որը հնարավորություն կտա նաև միջազգային խոշոր մրցաշարեր իրականացնել»,– նշեց Մակվեցյանը։

    Ի հավելումն` Երևանի քաղաքապետ Տիգրան Ավինյանը հույս հայտնեց, որ հաջորդ տարի արդեն գործնական փուլը կսկսվի։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Միջազգային լուրեր

    ՏԵՍՆԵԼ ԱՎԵԼԻՆ

    Տնտեսություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2024 . Բոլոր իրավունքնրը պաշտպանված են։
    Նախագծող՝ Studio One