03:26:42 13°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Առաջիկայում մեկնարկելու ենք 50 գյուղական ամբուլատորիաների մրցույթ․ Ավանեսյան

    21:17 19 Սեպտեմբեր 2024

    «Համաշխարհային հայկական գագաթնաժողով 2024»-ի շրջանակներում առողջապահության նախարար Անահիտ Ավանեսյանն անդրադարձել է ոլորտում ընթացիկ բարեփոխումներին, ծրագրերին, առողջապահության համակարգի մարտահրավերների չեզոքացման և ոլորտի զարգացման գործում Սփյուռքի ներուժի ներգրավման կարևորությանը: Այդ մասին հայտնում են առողջապահության նախարարությունից:

     

    Նա մատնանշել է վերջին տարիներին սփյուռքահայ բարերարների, բժիշկների և առողջապահության կազմակերպիչների հետ ունեցած համագործակցության, կարողությունների մեկտեղման դրական փորձը և հայտնել պատրաստակամություն այն ընդլայնելու:

     

    Համակարգային բարեփոխումների համատեքստում գերատեսչության ղեկավարը նշել է, հատկապես, առողջության առաջնային պահպանման օղակի բարեփոխման գործընթացում Սփյուռքի ներգրավվածությունը` թե ֆինանսական, թե նոր միջավայրի, մշակույթի ստեղծման գործում` օրինակ բերելով վերջերս բացված Դսեղի առողջության կենտրոնը:

     

    «Մենք ունենք ամբուլատորիաների նոր կոնցեպտուալ նախագիծ և առաջիկայում մեկնարկելու ենք 50 գյուղական ամբուլատորիաների մրցույթի փուլը և ձեր մոտեցումը, ներուժը կառուցման, վերազինման աշխատանքներում կարևոր է: Ուզում եմ շեշտել նաև գործակցության ամրապնդման իմ պատրաստակամությունը բուժանձնակազմի վերապատրաստման, փորձի փոխանակման, գործելակարգերի, ուղեցույցների մշակման և ներդրման աշխատանքներում»,- ասել է նախարարը:

     

    Պանելային քննարկման ավարտից հետո նախարար Ավանեսյանը նաև շրջել է էքսպո կենտրոնում՝ անցել ցուցադրված մարզային տաղավարներով, ծանոթացել տեղական արտադրանքին:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2024 . Բոլոր իրավունքնրը պաշտպանված են։
    Նախագծող՝ Studio One