03:58:09 18°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Գների աճը Կանադայում գերազանցել է 40-ամյա ռեկորդը

    23:25 23 Հունիս 2022

    Մայիսին տարեկան գնաճը Կանադայում հասել է 7,7 տոկոսի՝ ապրիլի 6,8 տոկոսի փոխարեն։ Գների աճի ցուցանիշը առավելագույնն է մոտ 40 տարվա ընթացքում՝ 1983-ից ի վեր, վկայում են երկրի վիճակագրական բյուրոյի տվյալները։

    Առանց բենզինի գների հաշվառման, որն ամսական կտրվածքով ավելացել է 12 եւ տարեկան կտրվածքով՝ 48 տոկոսով, մայիսին սպառողական գները՝ սեզոնային տատանումների հաշվառմամբ, բարձրացել են 6,3 տոկոսով՝ ապրիլի 5,8 տոկոսի փոխարեն։ Գնաճը՝ առանց պարենամթերքի եւ էլեկտրականության գների հաշվառման, գերազանցել է 30-ամյա ռեկորդը՝ 5,2 տոկոս։

    Ընդ որում՝ «էլեկտրաէներգիա» կարգում նկատվել է ամենազգալի աճը՝ պլյուս 34,8 տոկոս 2021թ. նույն ժամանակամիջոցի համեմատ։ Վիճակագրական բյուրոն պարզաբանել է, որ հում նավթի գները մայիսին ավելացել են պահանջարկի բարձրացման եւ էներգետիկ շուկաներում անկայունության պատճառով՝ Ուկրաինայում հատուկ գործողության համատեքստում։

    Մայիսին գները տարեկան կտրվածքով միջինն ավելի արագ են բարձրացել, քան բնակչության աշխատավարձերը։ Bloomberg-ը նշել է, որ այս իրավիճակը կարող է խոչընդոտել երկրի տնտեսական աճին։

    ԿԱՅՔԻ ՀԻՆ ՏԱՐԲԵՐԱԿ

    Լրահոս