18:12:27 0°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ներքին գործուղումների գումարը սպառվել է. վարչապետի աշխատակազմին ևս 3 մլն դրամ կհատկացվի

    11:26 8 Դեկտեմբեր 2022

    ՀՀ կառավարության պահուստային ֆոնդից Վարչապետի աշխատակազմին կտրամադրվի ավելի քան 3 միլիոն դրամ՝ փոստային ծառայություններ ձեռք բերելու, գործուղումների համար: Որոշումն ընդունվեց Գործադիրի այսօրվա նիստում՝ առանց զեկուցման ու քննարկման։

    Հիմնավորման մեջ նշված է, որ նախագծի ընդունման պարագայում քաղաքաշինության, տեխնիկական և հրդեհային անվտանգության տեսչական մարմինը կկարողանա ավելի արդյունավետ վերահսկել Սյունիքի և Արմավիրի մարզերում տեղադրված տրանսպորտային միջոցների կայանների աշխատանքը։

    «Հայաստանի Հանրապետության ընդհանուր օգտագործման պետական ավտոմոբիլային ճանապարհներին ընթացող լայնամաշտաբ ասֆալտապատման գործընթացին զուգահեռ ականատես ենք լինում նոր կառուցված և շահագործման հանձնված ճանապարհահատվածների ասֆալտի վերին շերտի վնասմանը, որը պատճառվում է ծանրաքաշ տրանսպորտային միջոցների կողմից։

    Միևնույն ժամանակ, ՀՀ Սյունիքի և Արմավիրի մարզերում տեղադրված տրանսպորտային միջոցների կայանների աշխատանքի արդյունքում Տեսչական մարմնում շեշտակի ավելացել են վարչական վարույթների և ներքին գործուղումների քանակը, ինչը հանգեցրել է փոստային ծառայությունների մատուցման պայմանագրի և ներքին գործուղումների գումարի սպառմանը»,-ասված է նախագծի հիմնավորման մեջ։

    Նախագիծը մշակվել է ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ու Քաղաքաշինության, տեխնիկական և հրդեհային անվտանգության տեսչական մարմնի կողմից:

    ԿԱՅՔԻ ՀԻՆ ՏԱՐԲԵՐԱԿ

    Լրահոս