«Օսկար- 2022»-ի հավակնորդ ֆիլմերը

12:01 9 Փետրվար 2022

Կինոարվեստի և գիտության ակադեմիան հրապարակել է Օսկարի 94-րդ մրցանակաբաշխության հավակնորդներին։ «Օսկարի» համար «Լավագույն ֆիլմ» անվանակարգում՝ նոր կանոնների համաձայն, հավակնորդների ցանկում ընդգրկվել են 2021 թվականի մարտի 1-ից դեկտեմբերի 31-ը թողարկված տասը ֆիլմ։

Հայտարարվել են հավակնորդների անունները 23 անվանակարգերում, այդ թվում՝ «Լավագույն ֆիլմ», «Լավագույն ռեժիսոր», «Լավագույն դերասան», «Լավագույն դերասանուհի», «Լավագույն օրիգինալ սցենար», «Լավագույն անիմացիոն լիամետրաժ», «Լավագույն միջազգային ֆիլմ», «Լավագույն կոստյումների ձևավորում» և այլն: Անվանակարգերի քանակով այս տարի առաջատարը «Շան ուժը» ֆիլմն էր (12)։ Երկրորդ տեղում «Դյունա» ֆիլմն է (10 անվանակարգ)։ Բելֆաստը և West Side Story–ն ստացել են յոթ անվանակարգեր, իսկ «Ռիչարդ թագավորը» ստացել է վեց անվանակարգ։

«Լավագույն ֆիլմին» հավակնում են՝ «Բելֆաստ», «Կոդա», «Մի նայիր վերև», «Նստիր մեքենայիս ղեկին», «Դյունա», «Ռիչարդ թագավոր. Չեմպիոնների բարձրացում», «Մղձավանջների արահետ», «Շան ուժը», «Վեսթսայդյան պատմություն» ֆիլմերը։ «Լավագույն դերասան» անվանակարգում ներկայացված են Խավիեր Բարդեմը («Լինել Ռիկարդո»), Բենեդիկտ Քամբերբեչը («Շան ուժը»), Ուիլ Սմիթը («Ռիչարդ արքան»), Էնդրյու Գարֆիլդը («Տիկ-տակ, բում») և Դենզել Վաշինգտոնը («Մակբեթ»): «Լավագույն դերասանուհի» մրցանակին հավակնում են Ջեսիկա Չեստեյնը («Թեմի Ֆեյի աչքերը»), Օլիվիա Քոլմանը («Անծանոթ դուստր»), Պենելոպե Կրուսը («Զուգահեռ մայրեր»), Նիկոլ Քիդմանը («Լինել Ռիկարդո») և Քրիստեն Ստյուարտը («Սփենսեր»): «Լավագույն ռեժիսորի» անվանակարգում են Ռյուսուկե Համագուտին, Փոլ Թոմաս Անդերսոնը, Ջեյն Քեմփիոնը և Սթիվեն Սփիլբերգը:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

LifeStyle

ՏԵՍՆԵԼ ԱՎԵԼԻՆ