11:00:51 -4°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Պատերազմի ավարտից ընդամենը մի ամիս անց Ադրբեջանին հանձնվում են 2 մարդասպան հանցագործներ․ Հենց այնպես․ Մխիթարյան

    23:05 8 Դեկտեմբեր 2022

    Այսօր տեղի է ունեցել մի շատ հետաքրքիր բան: Ռուսաստանում թմրանյութերի մաքսանենգության հոդվածով 9 տարվա ազատազրկման դատապարտված հայտնի ամերիկուհի՝ բասկետբոլիստ Բրիթնի Գրայները փոխանակվել է Ամերիկայում զենքի վաճառքի և մաքսանենգության հոդվածով 15 տարվա դատապարտված ռուսաստանցի Վիկտոր Բուտի դիմաց, գրում է պրոդյուսեր Ռուբեն Մխիթարյանը:

    «Վիկտոր Բուտի ձերբակալությունը Ամերիկայի մեդիաները և հատուկ ծառայությունները համարում էին զենքի մաքսանենգ վաճառքի տասնամյակների պատմություն ունեցող կարտելներից ամենագլխավորի գլխատում: Վիկտոր Բուտը ներկայացվում էր Բեն Լադենին ու Էլ Չապոյին «հավասար տղա» և հատկապես քանի որ ռուս էր՝ մեծագույն ավար արդարադատության ոլորտում: Չար լեզուները պնդում են, որ հանրահայտ հոլիվուդյան «Оружейный барон» ֆիլմի գխլավոր հերոսի նախատիպը հենց Բուտն է: Ամերիկան պնդել է, որ Բուտի դիմաց Ռուսաստանը ազատի ամերիկացի ևս մեկ դատապարտված քաղաքացու, որը դատապարտվել է շպիոնաժի համար, բայց փոխանակում ստացել է միայն ի դեմս բասկետբոլիստուհու: Մեկը՝ մեկի դիմաց:

    Իսկ հիմա պատկերացրեք, որ պատերազմի ավարտից ընդամենը մի ամիս անց Ադրբեջանին հանձնվում են 2 ազեր մարդասպան հանցագործներ, որոնք 2014-ին մորթել էին հայ պատանու, սպանել զինվորականի, վիրավորել մի կնոջ, արդյունքում դատապարտվել՝ մեկը ցմահ, իսկ մյուսը 22 տարվա ազատազրկման: Նրանք հանձնվել են ուղղակի: Պռոստը տակ: Դե որովհետև ՊԵՏՈՒԹՅՈՒՆԸ, ԻՇԽԱՆՈՒԹՅՈՒՆԸ, ԱԶԳԱՅԻՆ ԱՐԺԱՆԱՊԱՏՎՈՒԹՅՈՒՆԸ և ի վերջո ԴԻՎԱՆԱԳԻՏՈՒԹՅՈՒՆԸ այնպիսի բաներ են, որոնք ժամանակակից Հայաստանում գոյություն ունեն միայն այս ստատուսում, որպես լոկ բառեր»,- ֆեյսբուքան իր էջում գրել է նա:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Հասարակություն

    ՏԵՍՆԵԼ ԱՎԵԼԻՆ