«Դիմադրության» շարժման երթը շարժվեց դեպի ՍԴ. Նրանք տանում են «շղթայված» Սահմանադրությունը
Ես համոզված եմ, որ հենց Սեդա Սաֆարյանը դառնա ՍԴ դատավոր, այդ ժամանակ ներդրողները կգան. Վարդեւանյան
Դիմադրության շարժման երթը՝ «Ի պաշտպանություն ՀՀ Սահմանադրության» (ուղիղ)
Հակառակորդը կրակ է բացել Խաչիկ վարչական շրջանի ուղղությամբ. Թովմասյան
Ողբերգական դեպք՝ Ավշարում. Nissan X Trail-ը հեընթաց կատարելիս վրաերթի է ենթարկել 1-ամյա երեխային. վերջինս մահացել է
Իշխանությունը ժողովրդին պատկանելու նպատակն իրագործված է. Նիկոլ Փաշինյանի ուղերձը
Սպիտակ-Երևան ճանապարհին բախվել են «Opel Astra»-ները և «ՎԱԶ-2106»-ը. նրանցից 2 շրջվել են. 5 վիրավորների վիճակը ծանր է
«Ժողովուրդ». Նիկոլ Փաշինյանը փոխել է միտքը. Ավինյանը վարկանիշ չունի
«Հրապարակ». Ինչու Հայաստան չեկան ԱՄՆ կոնգրեսականները
«Հրապարակ». Արտահերթով արագ կսղղացնեն օրենքը

Հաջողվել է փրկել շուրջ 120 կնոջ կյանք. ամփոփվել են Լոռու մարզում իրականացված մամոգրաֆիայի ազգային ծրագրի արդյունքները

17:23 17 Հունիս 2022

Առողջապահութան նախարարի տեղակալ Արմեն Նազարյանն ու ՀՀ ԱՆ Առողջապահական ծրագրերի իրականացման գրասենյակի տնօրեն Երվանդ Էլիբեկյանն աշխատանքային այցով եղել են Լոռու մարզում՝ խրախուսելու բժշկական կազմակերպություններին, որոնք մամոգրաֆիայի ազգային ծրագրի շրջանակում ապահովել էին բարձր կատարողական: Լոռու մարզի 8 բուժհաստատության հատկացվել է 12 համակարգիչ և 6 տպիչ:

Արմեն Նազարյանը շնորհակալություն է հայտնել Լուռու մարզպետի տեղակալ Հովհաննես Ավետիսյանին ծրագրի իրականացմանն օժանդակելու, բուժհաստատությունների ղեկավարներին` կանանց ակտիվ ներգրավվածությունն ապահովելու համար, հատկապես` համավարակի պայմաններում:

Ողջունելով ներկաներին՝ մարզպետի տեղակալը կարևորել է ծրագրի իրականացումը մարզում, քանի որ հաջողվել է փրկել շուրջ 120 կնոջ կյանք, շուրջ 9000 կանայք հաղթահարել են վախերը և համոզվել, որ չունեն առողջական խնդիրներ կրծքագեղձի քաղցկեղի հետ կապված: Կողմերը կարևորել են ծրագրի շարունակականության ապահովումը:

Այսպիսով, 1.5 տարվա ընթացքում շարժական մամոգրաֆը տեղակայվել է Լոռու մարզի բոլոր քաղաքներում՝ սպասարկելով 50-69 տարեկան ավելի քան 10 հազար կնոջ: Ախտորոշումը հստակեցնելու նպատակով 846 կին ուղեգրվել է լրացուցիչ հետազոտությունների:

Ուղեգրված 846 կնոջից 534-ն անցել են լրացուցիչ հետազոտություններ (մյուսները չեն այցելել), 138 կնոջ (1.3%) մոտ կրծքագեղձի քաղցկեղի ախտորոշումը հաստատվել է, և 121 հիվանդի տրամադրվել է մասնագիտացված բուժօգնություն:

Հարկ է նշել, որ ծրագրի մասնակիցների համար լրացուցիչ հետազոտությունները նույնպես իրականացվում են անվճար` ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնի (ՈՒԱԿ) աջակցությամբ:

Հիշեցնենք, որ մամոգրաֆիկ անվճար սքրինինգային հետազոտություններն իրականացվում են «Առողջապահության առաջնային օղակում ոչ վարակիչ հիվանդությունների կանխարգելման և վերահսկման կատարելագործում» դրամաշնորհային ծրագրի շրջանակում, որը ֆինանսավորվում է ՀՀ-ում:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Հաջողվել է փրկել շուրջ 120 կնոջ կյանք. ամփոփվել են Լոռու մարզում իրականացված մամոգրաֆիայի ազգային ծրագրի արդյունքները

Լրահոս

Փոխկապակցված նորություններ

Միջազգային լուրեր

Տնտեսություն