22:45:13 -2°C
  • USD - 482.28 ֏
  • EUR - 568.13 ֏
  • RUB - 6.53 ֏

    • «Ձեզ 100 տոկոսով ասում եմ, ժողովո՛ւրդ ջան, տուգանք գոյություն չունի»․ Հայկ Մարության

    13:12 21 Հունվար 2025

    Փետրվարի 1-ից քաղաքացիների բոյկոտը տրանսպորտի թանկացման դեմ վստահաբար հնարավոր է քաղաքական և սոցիալական բունտի վերածվի. լրագրողների հետ զրույցում նման համոզմունք հայտնեց Երևանի նախկին քաղաքապետ Հայհկ Մարությանը։

    Հիշեցնենք, որ նա կոչ է անում քաղաքացիներին շարունակել վարորդներին վճարել 100 դրամ ու իջնել, առանց որևէ կոնֆլիկտի մեջ մտնելու։

    «Համոզված եմ, որ ժողովուրդը, բոլորս հաջողություն կունենանք, որովհետև եթե բոլորս միասին մի բան ենք ուզում և պահանջում, որը արդար է, ապա դա չի կարող տեղի չունենալ։ Մենք հասնելու ենք մեր ուզածին, որովհետև սա կոնկրետ պետական թալան է, մարդիկ չեն կարող այդ գումարները վճարել, կոնկրետ սոցիալակն խնդիր է»,-ասաց նա։

    Ըստ Մարությանի՝ պետությունն անցել է գրոհի․ «Վարչապետն այսօր գնաց փորձարկեց իրենց սիրելի Թելսելի աշխատանքը։ Այդպես էլ մինչև այսօր ԿԲ-ն պատասխան  չի տվել, և իրենց ասելով ուսումնասիրում են՝ արդյո՞ք ունի այդ տոմսը վաճառելու իրավունք, թե՞ ոչ։ Մի խոսքով՝ վարչապետն ուսամնասիրեց, շատ գոհ, ճանապարհին էլ պատմեց, թե ինչքան մարդու է տեսել, ինչ հարցեր են տվել իրեն, բայց չգիտես՝ ինչու նկարահանված չէ այդ ամենը, թեև վարչապետը շատ է սիրում նկարահանել այդ հանդիպումները, խոսակցությունները։ Բայց այս անգամ նկարահանված չի, ինչը կասկածի տեղիք է տալիս, որ այդպիսի խոսակցություններ չեն եղել կամ վատ խոսակցություններ են եղել մետրոյում, և ժողովուրդն այդ հարցերը տվել է վարչապետին»,-ասաց Մարությանը։

    Հարցին, թե հնարավոր համարո՞ւմ են, որ 100 դրամ չտալով՝ հնարավոր է տրանսպորտից օգտվել, արդյո՞ք մարդկանց չեն տուգանի, Մարությանը պատասխանեց, որ պետության երկրորդ գրոհն էլ տուգանքի սպառնալիքն է։

    «Այսօր թերթերից մեկը, որը КГБ-ի պատվերն է կատարում, չեմ ասում ԱԱԾ-ի, այլ КГБ-ի, և նրանք ապատեղեկատվություն են տարածում, գրել էր, թե իբրև 50 000 տուգանք է հասնում առանց տոմսի երթևեկելու համար, կամ 100 դրամ տալու համար։ Ձեզ 100 տոկոսով ասում եմ, ժողովո՛ւրդ ջան, այդպիսի տուգանք գոյություն չունի ՀՀ Սահմանադրության մեջ։ Դա սուտ է, ապատեղեկատվություն, որն այս պահին թերթերի միջոցով տարածքում է КГБ-ն։ Հանգիստ բոլորը կարող են իրականացնել իրենց ակցիան։ Իրենք ուզեն էլ չեն կարող տուգանել այսօր, որովհետև այդ օրենսդրական լծակները չունեն»,-ասաց նա։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One