Սպիտակի մանկապարտեզներից մեկում հրդեհ է բռնկվել, տարհանվել են 117 սան և 29 աշխատակից
Դուք ակտիվ և շատ դրական անձնավորություն եք՝ օժտված ստեղծագործական լայն ներուժով. Պուտինը շնորհավորել է Խառատյանին
Դուք պե՞տք է ներկայացնեք հայտարարագիր, թե՞ ոչ. պարզաբանում
Հենո՜, դու մեզանից յուրաքանչյուրի ոգեշնչման աղբյուրն ես ու պարծանքը. «Փյունիկ»-ը շնորհավորել է Մխիթարյանին
Հանցագործության մասին հաղորդում եմ ներկայացնում Դատախազություն և ԱԱԾ, տրանսպորտից հավաքագրված մոտ 40% գումարը կորել է. Մեսրոպ Մանուկյան
Տրանսպորտի թանկացման հարցով Երևանի ավագանու արտահերթ նիստը չկայացավ քվորումի բացակայության պատճառով
36 ժամ ջուր չի
Հայաստանի իշխանության լռության պայմաններում մեր «երկրի վզին» ինչ էլ ուզենան` կփաթաթեն. Տիգրան Աբրահամյան
ՔՊ-ն որոշել է, չնայած դժգոհություններին, ատելության խոսքի «գուրու» Ալեքսանդր Սիրունյանին ընտրել ԲԴԽ անդամ. «Ժողովուրդ»
Ֆեյք տարածող Չախոյանը հեղինակազրկել է իշխանությանը. «Ժողովուրդ»

1,5 մլն․ հայ սպանվեց Թուրքիայի կողմից, արտաքսվեց 100-ավոր մտավորական․ Շվեդիա-ՀՀ բարեկամության խումբ

21:50 24 Ապրիլ 2024

Շվեդիայի խորհրդարանի Շվեդիա-Հայաստան բարեկամության խմբի անդամները Հայոց ցեղասպանության 109-րդ տարելիցի կապակցությամբ հանդես են եկել հայտարարությամբ։

«Արմենպրես»-ի հաղորդմամբ՝ հայտարարության հեղինակները հիշեցնում են, որ 109 տարի առաջ օսմանյան իշխանությունները նախ ձերբակալել և արտաքսել են Կոստանդնուպոլսից հարյուրավոր հայ մտավորականների և առաջնորդների։

«Թալեաթ փաշայի հրամանով 1915 և 1916 թվականներին մոտ 800,000-ից 1,2 միլիոն հայեր ուղարկվեցին մահվան երթերի՝ դեպի Սիրիական անապատ: Հայերի և այլ քրիստոնյա խմբերի ջարդերն ու էթնիկ զտումները շարունակվեցին մինչև 1923 թվականը: 1,5 միլիոն հայ սպանվել է օսմանցիների կողմից։ Նահատակվել են նաև այլազգի քրիստոնյաներ, ինչպիսիք են ասորիները, սիրիացիները, հույները։ Ցեղասպանության ժամանակ նահատակված հայերի քանակը կազմում էր տարածաշրջանի հայ բնակչության կեսից ավելին։ Փրկվածների մեծ մասը փախել է երկրից։ Օսմանյան կայսրությունը հիմնականում դատարկվեց քրիստոնյա բնակչությունից»,- ասված է հայտարարության մեջ:

Պատգամավորները նշում են, որ 2010 թվականի մարտին Շվեդիայի Ռիկսդագը հայտնեց կառավարությանը, որ Շվեդիան պետք է ճանաչի ցեղասպանությունը, և որ Շվեդիան պետք է աշխատի ԵՄ-ի ու ՄԱԿ-ի շրջանակներում՝ Հայոց Ցեղասպանության միջազգային ճանաչման համար:

«Այսօր մենք բոլորս ոգեկոչում ենք ցեղասպանության բոլոր զոհերի հիշատակը։ Շվեդիայի խորհրդարանում Շվեդիա-Հայաստան բարեկամության խմբի անդամները կազմակերպում են ոգեկոչման արարողություն։ Կարևոր է հիշել և արտացոլել ու հարգել զոհերի հիշատակը։ Մենք միշտ կհիշենք և երբեք չենք մոռանա կատարվածը»,- եզրափակել են պատգամավորները։

Հայտարարության տակ ստորագրել են Բյորն Սյոդերը, Արին Կարապետը, Մարկուս Վիչելը, Մառլեն Լունդ Կոպպարկլինտը, Ֆրեդերիկ Մալմը, Էրիկ Հելսբորնը և Նիմա Ղոլամ Ալի Փուրը։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ