10:23:47 -4°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Երկիրը պարտքով են պահում. Պատգամավորը հետաքրքիր փաստեր է ներկայացրել բյուջեի մասին (տեսանյութ)

    22:02 8 Դեկտեմբեր 2022

    2023 թվականի բյուջեն իրավիճակին համարժեք բյուջե չէ՝ հատկապես խոսքը վերաբերում է սոցիալական կոմպոնենտին։ «Փաստինֆո»-ի հետ զրույցում ընդգծեց ԱԺ «Հայաստան» խմբակցության պատգամավոր Թադևոս Ավետիսյանը՝ հավելելով. այս բյուջեի նախագծում էլ էական շարունակվող պոպուլիզմի առանցքը կա, և փաստ է, որ արդեն հակասում է հենց իրենց ծրագրին։

    Պատգամավորը նշում է՝ իշխանությունը խոստումների փուլում դառնում է սոցիալիստներից սոցիալիստ և խոստանում է այնպիսի բաներ, որոնք սկզբունքորեն անիրականանալի են։ Օրինակ, երբ ասում են՝ կվերացնենք ծայրահեղ աղքատությունը, կնվազեցնենք աղքատությունը, կբերենք երջանկություն. «Հիմա՝ քանի՞ տուն են երջանկություն բերել և քանի՞ տնից են երջանկությունը խլել»,- հռետորաան հարց է ուղղում մեր զրուցակիցը։

    Հաջորդ կարևոր ցուցանիշը, նշում է Թադևոս Ավետիսյանը, պետական պարտքն է, ու շեշտում է՝ այս մարդիկ երկիրը պարտքով են պահում։

    Եվ այս բյուջեն իրենց գծի մեջ է, ոչնչով չի տարբերվում՝ սուտասանների,պոպուլիստների փաստաթուղթն է, որ էլի բերեցին ու հաստատեցին։ Եվ ոչ միայն իրավիճակին ոչ համարժեք է, այլև իրատեսական չէ։ Որովհետև, շարունակում է պատգամավորը, այն ցուցանիշները, որ դրել են իրենց հաշվարկների հիմքում, իրատեսական չեն, այլ երազանքներն են։

    Պաշտպանության ծախսերի մասին էլ Թադևոս Ավետիսյանը նշեց՝ ոլորտի ծախսերը ավելացել են 35 տոկոսով, տպավորիչ է, բայց հիմա մեծ հարց է՝ մենք իրենց օրոք ի՞նչ ենք կորցրել, ու 35 տոկոս աճերով քանի՞ տարի կամ տասնամյակ հետո կվերականգնենք այն պաշտպանական ու անվտանգային պոտենցիալը, որ ունեցել ենք ու իերնց ձեռամբ կորցրել են։ Իսկ անդրադառնալով կապիտալ ծախսերին, Պատգամավորը հիշեցրեց՝ 40 տոկոսով ավելացել են կապիտալ ծախսերը, այն դեպքում, երբ նախորդ տարի 60 տոկոսով էին ավել կապիտալ ծախսեր նախատեսել, բայց դրանց 70 տոկոսն էլ չեն իրականացրել։

    Մանրամասները՝ տեսանյութում

     

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Փոխկապակցված նորություններ