21:06:05 21°C
  • USD - 482.28 ֏
  • EUR - 568.13 ֏
  • RUB - 6.53 ֏

    • ԱՀԿ-ն հայտնել է աշխարհում խոլերայի տարածման շատ բարձր ռիսկի մասին

    19:45 23 Մարտ 2023

    Առողջապահության համաշխարհային կազմակերպության (ԱՀԿ) գնահատմամբ՝ աշխարհում խոլերայի հետագա տարածման վտանգը շատ բարձր է։ Այդ մասին «Արմենպրես»-ը տեղեկանում Է ТАСС գործակալությունից:

    ԱՀԿ-ի տեղեկագրում նշվում է, որ մարտի 20-ի դրությամբ 24 պետություններից շարունակվել են հաղորդումներ գալ հիվանդության նոր դեպքերի վերաբերյալ: «2023 թվականի փետրվարի 11-ից, երբ հրապարակվել Է աշխարհում խոլերայի վերաբերյալ նախորդ ամփոփագիրը, գլոբալ իրավիճակը վատթարացել է։ Չորս նոր երկրներ հայտնել են հիվանդության բռնկման մասին, իսկ դրանց ընդհանուր թիվը մարտի 20-ի դրությամբ հասել է 24-ի», - նշել են ԱՀԿ-ում։

    «Հաշվի առնելով ներկայիս իրավիճակը՝ ԱՀԿ-ն գլոբալ մակարդակով ռիսկը գնահատում Է որպես շատ բարձր», - ասված է հաղորդագրության մեջ։ 2023 թվականի սկզբից ի վեր խոլերայի բռնկումներն ավելացել են Հարավարևելյան Աֆրիկայում։

    Մասնագետներին, մասնավորապես, մտահոգում է մարտին իրավիճակի հնարավոր վատթարացումը Մալավիում և Մոզամբիկում «Ֆրեդի» ցիկլոնի պատճառով։ Տարեսկզբին նոր բռնկումներ են գրանցվել Զամբիայում, Զիմբաբվեում, Տանզանիայում, Հարավաֆրիկյան  Հանրապետությունում և Աֆրիկյան Եղջյուրի տարածաշրջանում: Կազմակերպությանն առանձնակի մտահոգություն է պատճառում խոլերայի հետ կապված բարձր մահացությունը: Շատ երկրներ «հայտնել են մահացության ավելի բարձր մակարդակի մասին, քան նախորդ տարիներին», - հաղորդել Է ԱՀԿ-ն:

    Ըստ հաղորդագրության՝ 2021 թվականին խոլերայից մահացության միջին ցուցանիշն աշխարհում կազմել է միջինը 1,9 %, իսկ Աֆրիկայում՝ 2,9 %, ինչն «զգալիորեն գերազանցում Է թույլատրելի մակարդակը», որը կազմում Է 1%-ից պակաս, և «ամենաբարձր ցուցանիշն Է, որ գրանցվել Է ավելի քան մեկ տասնամյակի ընթացքում»: Խոլերան առանձնապես վտանգավոր վարակիչ հիվանդություն է, որի պատճառը խոլերայի կորամանրԷներն են: Այն առաջանում Է, երբ հարուցիչը աղտոտված սննդի կամ ջրի հետ հայտնվում Է օրգանիզմում:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One