09:20:21 -4°C
  • USD - 482.28 ֏
  • EUR - 568.13 ֏
  • RUB - 6.53 ֏
  • ԵՄ-ն պետք է խուսափի պրոտեկցիոնիզմի «ողորկ ճանապարհից»․ Ռոբերտա Մեցոլա

    21:40 8 Դեկտեմբեր 2022

    ԵՄ-ն պետք է խուսափի պրոտեկցիոնիզմի «ողորկ ճանապարհից», երբ կատաղի արդյունաբերական դիմակայության մեջ է մտնում ԱՄՆ-ի հետ։ Այս մասին POLITICO-ին տված հարցազրույցում ասել է Եվրախորհրդարանի նախագահ Ռոբերտա Մեցոլան:

    «Մենք սկսում ենք սուբսիդիաների պատերա՞զմ։ Մտավախություն ունեմ, որ կտեսնեմ պրոտեկցիոնիստական տրամադրությունների աճ»,-ասել է նա։

    Եվրոպան վրդովված է ինֆլյացիայի նվազեցման մասին ամերիկյան օրենքի դրույթներից, որոնք նախատեսում են միլիարդավոր դոլարների սուբսիդիաներ եւ խթան  էկոլոգիապես մաքուր տեխնոլոգիաների եւ էլեկտրամոբիլների հայրենական արտադրության  հատվածին։ Դա կարող է ամերիկյան արտադրողներին մրցակցային առավելություն տալ այն ժամանակ, երբ եվրոպացի արդյունաբերողները բախվում են տնտեսական լուրջ դժվարությունների։

    Սուբսիդիաների սխեման նույնիսկ Եվրոպայում ոմանց ստիպել է Վաշինգտոնին մեղադրել շահարկումների մեջ, մինչդեռ եվրոպական մայրցամաքում պատերազմ է մոլեգնում:

    Մեցոլայի խոսքով՝ ԵՄ-ն պետք է խուսափի «ողորկ ճանապարհից, որով ընթանում է պրոտեկցիոնիստական մրցավազքը»։ Նա հավելել է, որ կառավարության միջամտության որոշակի աստիճան նույնպես անհրաժեշտ է տնտեսական աճը խթանելու համար:

    Նրա խոսքով՝ ԵՄ-ն պետք է փորձի համաշխարհային մասշտաբով մրցակցային առավելություն ստանալ՝ հավատարիմ մնալով իր ժողովրդավարական արժեքներին եւ հետապնդելով իր կլիմայական օրակարգը:

    Մեցոլան նաեւ կոչ է արել ավելի ակտիվ մոտեցում ցուցաբերել Պեկինի եւ Ասիայի այլ երկրների հետ հարաբերությունների նկատմամբ՝ Չինաստանից ԵՄ-ի արդյունաբերական կախվածությունն անվանելով «տնտեսապես հսկայական»։ «Մենք բավականաչափ չենք աշխատել մեր ասիացի գործընկերների հետ, այնպես որ, շատ առեւտրային գործարքներ դեռ քննարկման փուլում են: Որտե՞ղ ենք մենք: Ինչո՞ւ մենք չենք վարում այս բանավեճը՝ տրտնջալու փոխարեն»,-հավելել է Մեցոլան։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Փոխկապակցված նորություններ