17:32:53 0°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Էրդողանը կարող է փոխել նախընտրական խոստումը՝ բյուջեի ծախսերը նվազագույնի հասցնելու համար

    00:45 10 Դեկտեմբեր 2022

    Թուրքիայի նախագահ Ռեջեփ Թայիփ Էրդողանը կարող է հրաժարվել պետական եւ մասնավոր հատվածի աշխատակիցների վաղաժամկետ կենսաթոշակի անցնելու ծրագրից՝ բյուջեի լարվածության հետ կապված մտահոգությունների պատճառով, հայտարարել են թուրք բարձրաստիճան պաշտոնյաները, հայտնում է Bloomberg-ը։

    Վաղաժամկետ կենսաթոշակը առանցքային խոստում է հունիսին կայանալիք նախագահական եւ խորհրդարանական ընտրությունների նախաշեմին: Ըստ գնահատականների՝ այդ ծրագրերը կընդգրկեն 1,5 միլիոն մարդու, սակայն Էրդողանն այժմ դիտարկում է այլընտրանքային տարբերակ, որը կազդի ավելի քիչ աշխատակիցների վրա:

    Պաշտոնյաների խոսքով՝ Էրդողանը արդեն երկուշաբթի օրը կառավարության նիստում կարող է որոշում կայացնել:

    Վաղաժամկետ կենսաթոշակի պահանջները բավարարելու խոստումն օգնել է Էրդողանին ամրապնդել իր աջակցության բազան:

    Սակայն Թուրքիայի կառավարությունը ներկայումս քննարկում է մի ծրագիր, որը կընդգրկի այդ իրավունքն ունեցողների միայն մոտ 60 տոկոսին: Նախնական ծրագրի արժեքը, որը ներառում է վերջնահաշվարկը, կարող է գերազանցել 250 միլիարդ լիրան (13 միլիարդ դոլար): Ըստ աղբյուրների՝ դա երեք անգամ ավելի է, քան երկրի սոցիալական ապահովության համակարգը վճարել է մոտ 14 միլիոն թոշակառուների այս տարվա հոկտեմբերին:

    Այլընտրանքային ծրագրերը նախատեսում են ամենատարեց աշխատողների վաղաժամկետ կենսաթոշակի անցնելը:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One