23:19:40 22°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Նորվեգիան այլեւս չի կարող մեծացնել գազի մատակարարումները Գերմանիային

    21:43 16 Օգոստոս 2022

    Նորվեգիան խոստացել է այսուհետ եւս մեծ ծավալներով գազ մատակարարել Գերմանիային՝ միաժամանակ զգուշացնելով, որ իր հզորություններն անսահմանափակ չեն։

    «Մենք չենք կարող պարզապես քաղաքական որոշում կայացնել մատակարարումների ծավալի հետագա ավելացման համար: Նորվեգիան արդեն մեծացրել է գազի արտահանումը եւ ներկայումս մատակարարում է առավելագույնը»,- Օսլոյում Գերմանիայի կանցլեր Օլաֆ Շոլցի հետ հանդիպումից հետո ասել է Նորվեգիայի վարչապետ Յոնաս Գար Ստյորեն:

    Շոլցը շնորհակալություն է հայտնել Նորվեգիային բնական գազի առավելագույն հնարավոր ծավալներ մատակարարելու համար։ «Սա շատ կարեւոր է ռուսական գազից մեր կախվածությունը նվազեցնելու համար։ Նորվեգիան Գերմանիայի համար հատուկ գործընկեր է։ Մենք ցանկանում ենք ընդլայնել եւ խորացնել մեր էներգետիկ գործընկերությունը»,- ասել է նա։

    Ավելի վաղ Շոլցը մասնակցել էր Սկանդինավյան խորհրդի երկրների համաժողովին, որի մեջ, բացի Գերմանիայից եւ Նորվեգիայից, մտնում են Շվեդիան, Դանիան, Ֆինլանդիան եւ Իսլանդիան։ Հանդիպման հիմնական թեմաները եղել են էներգակիրների մատակարարումը եւ անվտանգության ոլորտում իրավիճակը՝ Ուկրաինայում պատերազմի ֆոնին։

    Ներկայումս Նորվեգիան ռեկորդային ծավալներով նավթ ու գազ է մատակարարում Գերմանիային եւ ընդհանրապես Եվրոպային։ Գերմանիայի համար Նորվեգիան Ռուսաստանից հետո գազ մատակարարող երկրորդ երկիրն է։ Ներկայում Նորվեգիան ծածկում է Գերմանիայի բնական գազի կարիքների ավելի քան 30 տոկոսը: Նորվեգիան զգալիորեն ավելացրել է իր գազի արտահանումը ուկրաինական պատերազմի սկսվելուց հետո եւ այդպիսով փոխարինել է Ռուսաստանից ներկրվող գազի մի մասը։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One