19:20:38 21°C
  • USD - 482.28 ֏
  • EUR - 568.13 ֏
  • RUB - 6.53 ֏
  • ՀՀ-Ուկրաինա առևտրատնտեսական կապերի չօգտագործված մեծ ներուժ կա. Աղաջանյան

    21:02 14 Սեպտեմբեր 2021

    ՀՀ ԱԺ «Քաղաքացիական պայմանագիր» խմբակցության անդամ, Արտաքին հարաբերությունների մշտական հանձնաժողովի նախագահ էդուարդ Աղաջանյանը ֆեյսբուքյան իր էջում գրել է.

    «Հանդիպեցի Ուկրաինայի խորհրդարանի պատգամավորներ Արտյոմ Դմիտրուկի և Դարյա Վոլոդինայի հետ:

    Հանդիպմանը ներկա էին նաև ԱԺ «Քաղաքացիական պայմանագիր» խմբակցության քարտուղար Նազելի Բաղդասարյանը և պատգամավոր Հրաչյա Հակոբյանը:

    Հանդիպման ընթացքում ընդգծեցի հայ-ուկրաինական բարեկամական հարաբերությունների կարևորությունը` անհրաժեշտ համարելով միջխորհրդարանական հարաբերությունների հետագա զարգացումը և խորացումը, երկկողմ շփումները:

    Վստահություն հայտնեցի, որ հայ-ուկրաինական բարեկամական խմբի վերջնական ձևավորումից հետո երկու խորհրդարանների շփումներն ու փոխգործակցությունն առավել կխորանան և կամրապնդվեն:

    Անդրադարձ կատարվեց նաև երկկողմ առևտրատնտեսական կապերի սերտացման հեռանկարներին: Այս համատեքստում նշեցի, որ ոլորտում կա չօգտագործված մեծ ներուժ և կարևորեցի հայ-ուկրաինական միջկառավարական հանձնաժողովի աշխատանքների ակտիվացումը:

    Երկուստեք բարձր գնահատվեց Ուկրաինայում հայերի միության և հայ համայնքի դերակատարությունը:

    Համատեղ համագործակցության օրակարգի առաջմղման հարցում կարևորեցինք հստակ գործնական քայլերի իրականացումը»:

    ԿԱՅՔԻ ՀԻՆ ՏԱՐԲԵՐԱԿ

    Լրահոս