Ալիևը բառացի ասաց՝ եթե ՀՀ-ն չընդունի իր պայմաններով դելիմիտացիան, ոչ մի խաղաղության պայմանագիր էլ չի լինելու․ Փաշինյան
Նոր որոշում. վարժական հավաքներն այս անգամ կանցկացվեն 2 ամսով՝ ապրիլի 15-ից հունիսի 15-ը
Հիմա ռուսներին Հայաստանում իշխանփոխություն չանելու մեջ մեղադրողներից քանի՞սն է խոսալու այդ վտանգավոր երևույթի դեմ
Կառավարության նիստի օրակարգում 39 հարց է, որից 36-ը չի զեկուցվում. Եվս 3 հարց գաղտնի է
Ագրեսորի և ագրեսիայի զոհի միջև հավասարության նշան դնելու պրակտիկան խրախուսում է ագրեսորին․ Մարուքյանը՝ Քիրբիին
«Փաստ». Արևմուտքից «հյուրեր» են սպասվում
«Հրապարակ». Խփիր գրպանին. Փաշինյանը որոշել է այսկերպ ստուգել գաղափարական աջակիցների թիվը
«Փաստ». «Իրավիճակ է փոխվել». էլ չի պահանջում Փաշինյանի հրաժարականը
Հայաստանի ԱԽ քարտուղարը աշխատանքային այցով կմեկնի Լատվիա, Լիտվա, Էստոնիա
Մարտի 23-24-ին Մեղրիում` ռուսական սահմանապահ զորամասի հրաձգարանում, իրականացվելու են պլանային պայթեցման աշխատանքներ

Ես դրա մասին ոչինչ չեմ լսել. Խաչանովը՝ Արցախին աջակցող հաղորդագրությունները դադարեցնելու մասին

00:45 27 Հունվար 2023

Ավստրալիայի բաց առաջնության կիսաեզրափակչի մասնակից Կարեն Խաչանովն ասում է, որ թենիսի առաջնության կազմակերպիչները իրեն չեն ասել, որ դադարեցնի Արցախին աջակցող ուղերձներ գրել։ «Արմենպրես»-ի փոխանցմամբ՝ այս մասին հաղորդում է ավստրալիական 7News պարբերականը:

Հայկական ծագում ունեցող ռուսաստանցի 26-ամյա թենիսիստը խաղից հետո հեռուստատեսային տեսախցիկի օբյեկտիվի վրա գրել է այնպիսի հաղորդագրություններ, ինչպիսիք են՝ «Ամո՛ւր մնա, Արցախ» և «Շարունակի՛ր հավատալ մինչև վերջ: Արցա՛խ, դիմացի՛ր»։

Լրատվամիջոցը նշում է, որ այսպիսով Խաչանովն իր աջակցությունն է հայտնել Արցախի ժողովրդին, որը մեկ ամիս է՝ Ադրբեջանի կողմից շրջափակման մեջ է:

«Ես հայկական արմատներ ունեմ հայրական կողմից, պապիկիս, նույնիսկ մորս կողմից, ես կիսով չափ հայ եմ: Ես պարզապես ուզում էի իմ ժողովրդին ցույց տալ ուժ և աջակցություն», - քառորդ եզրափակիչից հետո ասել է Խաչանովը լրագրողներին:

Կարեն Խաչանովի հաղորդագրություններն Ադրբեջանի թենիսի ֆեդերացիայի զայրույթն են առաջացրել: Նրանք Խաչանովի գործողությունները որակել են որպես «ատելության գործողություն» և գրություն են ուղարկել Թենիսի միջազգային ֆեդերացիային՝ պահանջելով միջոցներ ձեռնարկել թենիսիստի դեմ:

Սակայն Խաչանովին ոչ ոք չի ասել, որ նա դադարեցնի հաղորդագրություններ գրելը:

«Ես դրա մասին ոչինչ չեմ լսել, առայժմ ոչ», - ասել է Խաչանովը:

Խաչանովին է միացել նաև Մելբուրնի հայ համայնքը, որը Ավստրալիայի բաց առաջնությանն է եկել Արցախի դրոշներով:

ԿԱՅՔԻ ՀԻՆ ՏԱՐԲԵՐԱԿ