«ՀՀ նախագահը վարունգից չի տարբերվում». Ակցիայի մասնակիցները վարունգներ նետեցին նախագահականի մոտ
Ադրբեջանական ստորաբաժանումները խոշոր տրամաչափի զինատեսակներից կրակ են բացել Խաչիկ գյուղի ուղղությամբ. հայկական կողմից տուժածներ չկան. ՊՆ
Արամ Հովհաննիսյանին շնորհվել է ոստիկանության գեներալ-մայորի կոչում
«Դիմադրության» շարժման երթը շարժվեց դեպի ՍԴ. Նրանք տանում են «շղթայված» Սահմանադրությունը
Ես համոզված եմ, որ հենց Սեդա Սաֆարյանը դառնա ՍԴ դատավոր, այդ ժամանակ ներդրողները կգան. Վարդեւանյան
Դիմադրության շարժման երթը՝ «Ի պաշտպանություն ՀՀ Սահմանադրության» (ուղիղ)
Հակառակորդը կրակ է բացել Խաչիկ վարչական շրջանի ուղղությամբ. Թովմասյան
Ողբերգական դեպք՝ Ավշարում. Nissan X Trail-ը հեընթաց կատարելիս վրաերթի է ենթարկել 1-ամյա երեխային. վերջինս մահացել է
Իշխանությունը ժողովրդին պատկանելու նպատակն իրագործված է. Նիկոլ Փաշինյանի ուղերձը
Սպիտակ-Երևան ճանապարհին բախվել են «Opel Astra»-ները և «ՎԱԶ-2106»-ը. նրանցից 2 շրջվել են. 5 վիրավորների վիճակը ծանր է

ՆԱՏՕ-ի նախկին գլխավոր քարտուղարը քննադատել է Գերմանիային՝ Ուկրաինայի իրավիճակի հետ կապված դիրքորոշման համար

20:10 21 Մայիս 2022

ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը քննադատել է Բեռլինի զգուշավոր մոտեցումը Ուկրաինայի շուրջ ստեղծված իրավիճակին։

Գերմանիան «չափազանց անվճռական է ծանր սպառազինության մատակարարման եւ պատժամիջոցների հարցում», դանիացի քաղաքական գործչի խոսքերն է մեջբերում գերմանական Handelsblatt թերթը։

«Իհարկե, Գերմանիան մեծապես կախված է ռուսական գազի ներկրումից, բայց ես կարծում եմ, որ դաշնային կառավարության հստակ դիրքորոշումը կփոխեր Ուկրաինայում ողջ դինամիկան։ Մեզ պետք է Գերմանիայի առաջնորդությունը»,- ընդգծել է Ռասմուսենը։

Նա եվրոպացիներին կոչ է արել անհապաղ դադարեցնել Ռուսաստանից նավթի ու գազի ներկրումը։ «Անշուշտ, էներգետիկ էմբարգոն իր գինը կունենա։ Սակայն տեւական պատերազմի գնի համեմատ այն քիչ կլինի»,- վստահ է քաղաքական գործիչը, ում կարծիքով այսօր ամենամեծ ռիսկը մաշող պատերազմն է։

«Ռուսները չլուծված հակամարտությունների հետ խաղերի փորձագետ են։ Մենք դա տեսնում ենք Վրաստանում, Մոլդովայում եւ Ուկրաինայի Դոնբասում, որտեղ նրանք ներխուժել էին 2014 թվականին։ Մենք պետք է ամեն ինչ անենք այս հակամարտությունն արագ ավարտելու համար»,- կարծում է քաղաքական գործիչը։

Դա անելու ամենաարդյունավետ միջոցը, նրա խոսքով, «Պուտինի պատերազմական մեքենայի» ֆինանսավորումը դադարեցնելն է։ «Սա հենց այն է, ինչ մենք պետք է անենք, եւ հենց դրա համար է անհրաժեշտ դադարեցնել նավթի եւ գազի ներկրումը»,- ասել է Անդերս Ֆոգ Ռասմուսենը:

Դաշինքի նախկին ղեկավարը ողջունել է նաեւ ՆԱՏՕ-ի ապագա ընդլայնումը դեպի հյուսիս՝ Շվեդիայի եւ Ֆինլանդիայի անդամակցության հաշվին։ Նա դա պատմական քայլ է անվանել։ Երկու երկրներն էլ, ըստ Ռասմուսենի, «կբարձրացնեն ՆԱՏՕ-ի պաշտպանունակությունը, հատկապես բալթյան ուղղությամբ», հաղորդում է Deutsche Welle-ն։

69-ամյա Ռասմուսենը մեծ քաղաքականություն է մտել 1987 թվականին՝ դառնալով Դանիայի հարկերի, իսկ ավելի ուշ՝ էկոնոմիկայի նախարար։ 1998-ին նա գլխավորել է Լիբերալ կուսակցությունը, որը հաղթանակ է տարել 2001-ի խորհրդարանական ընտրություններում։ 2001-2009 թվականներին գլխավորել է Դանիայի կառավարությունը։ Ռասմուսենը ՆԱՏՕ-ի գլխավոր քարտուղարի պաշտոնը զբաղեցրել է 2009-2014 թվականներին։ 2016-2019 թվականներին եղել է Ուկրաինայի նախագահ Պյոտր Պորոշենկոյի արտաքին քաղաքականության հարցերով արտահաստիքային խորհրդականը։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

ՆԱՏՕ-ի նախկին գլխավոր քարտուղարը քննադատել է Գերմանիային՝ Ուկրաինայի իրավիճակի հետ կապված դիրքորոշման համար

Լրահոս

Փոխկապակցված նորություններ

Տնտեսություն

Հասարակություն