11:44:36 4°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Պուտինի խոսքով՝ ՌԴ-ն աջակցում է ՀԱՊԿ խաղաղապահ ուժերի վերազինման որոշմանը

    20:52 23 Նոյեմբեր 2022

    Ռուսաստանն աջակցում է ՀԱՊԿ խաղաղապահ ուժերի վերազինման նախաձեռնությանը: Երևանում ընթացող ՀԱՊԿ նիստի ժամանակ այս մասին ասել է ՌԴ նախագահ Վլադիմիր Պուտինը: «Արմենպրես»-ն այս մասին տեղեկանում է «Ինտերֆաքս» գործակալությունից:

    «Գոհունակությամբ կարելի է նշել, որ Ղազախստանում խաղաղապահ գործողության ընթացքում ձեռք բերված շատ արժեքավոր գործնական փորձը վերլուծվել է մեր և կազմակերպության քարտուղարության կողմից: Ռուսաստանը, իհարկե, աջակցում է մեր հաստատմանը ներկայացված կարևոր որոշմանը` կազմակերպության խաղաղապահ ուժերը ժամանակակից սպառազինությամբ, ռազմական և հատուկ տեխնիկայով, ինչպես նաև հատուկ միջոցներով զինելու վերաբերյալ»,-ասել է ՌԴ նախագահը:

    Պուտինի խոսքով՝ գագաթնաժողովի ընթացքում պետք է որոշումներ կայացվեն ՀԱՊԿ կապի համակարգի կատարելագործման, ռադիացիոն, քիմիական, կենսաբանական պաշտպանության և բժշկական աջակցության համատեղ ձևավորման և ՀԱՊԿ-ում երկաթուղու տեխնիկական ծածկույթի միասնական համակարգի գործարկման վերաբերյալ։ Նա վստահեցրել է, որ Ռուսաստանն անվերապահորեն աջակցում է այդ միջոցառումներին:

    ԿԱՅՔԻ ՀԻՆ ՏԱՐԲԵՐԱԿ

    Լրահոս