10:44:13 5°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Մոսկվան սիրիական տարածքների գնդակոծման համատեքստում Անկարային զսպվածության կոչ է անում

    00:45 23 Նոյեմբեր 2022

    Մոսկվան սիրիական տարածքների գնդակոծման համատեքստում Անկարային զսպվածության կոչ է անում, չի կարելի լարվածության թեժացում թույլ տալ, ասել է ՌԴ նախագահի Սիրիայի գծով հատուկ ներկայացուցիչ Ալեքսանդր Լավրենտեւը, տեղեկացրել է «ՌԻԱ Նովոստի»-ն։

    «Մեր թուրք գործընկերներին որոշակի զսպվածության կոչ ենք անում, որպեսզի թույլ չտրվի լարվածության թեժացում, ընդ որում՝ ոչ միայն Սիրիայի հյուսիսային եւ հյուսիսարեւելյան շրջաններում, այլեւ ամբողջ տարածքում»,- ասել է Լավրենտեւը Աստանայում սիրիական կարգավորման բանակցությունների 19-րդ փուլի սկզբում։

    Նրա խոսքով՝ շահագրգիռ կողմերի հետ աշխատանքը պետք է շարունակել, փորձել գտնել «քրդական հարցի» խաղաղ լուծում։

    Լավրենտեւը նշել է, որ Թուրքիան նախապես չի տեղեկացրել ՌԴ-ին Սիրիայում եւ Իրաքում օդային գործողության մասին, հարցը քննարկվելու է Աստանայում Սիրիայի վերաբերյալ հանդիպման ընթացքում։

    «Մենք հույս ունենք համոզել մեր թուրք գործընկերներին ձեռնպահ մնալ սիրիական տարածքում չափից ավելի ուժ կիրառելուց»,- ասել է ՌԴ նախագահի հատուկ ներկայացուցիչը։

    Նա ավելացրել է, որ Սիրիային եւ Իրաքին Թուրքիայի հասցրած հարվածները պայմանավորված են եղել Ստամբուլում նոյեմբերի 13-ի ահաբեկչությամբ։

    ՌԴ նախագահի հատուկ ներկայացուցիչն ընդգծել է, որ Մոսկվան տարեսկզբից, Անկարայի հնարավոր ցամաքային գործողության հայտարարությունների համատեքստում, արել է հնարավոր ամեն բան, որպեսզի թույլ չտա Թուրքիայի ցամաքային գործողությունը Սիրիայում, եւ դա հաջողվել է կանխել։

    ԿԱՅՔԻ ՀԻՆ ՏԱՐԲԵՐԱԿ

    Լրահոս