13:20:45 3°C
  • USD - 482.28 ֏
  • EUR - 568.13 ֏
  • RUB - 6.53 ֏
  • ԵՄ էներգետիկայի նախարարները պայմանավորվել են հանել ռուսական գազը համատեղ գնումների պայմանագրերից

    14:23 25 Նոյեմբեր 2022

    ԵՄ երկրների էներգետիկայի նախարարները պայմանավորվել են հանել ռուսական գազը համատեղ գնումների պայմանագրերից, որոնց ծավալը 2023թ. պետք է կազմեր առնվազն 13,5 մլրդ խորանարդ մետր։ Այս մասին նշվել է Եվրահանձնաժողովի հայտարարությունում, տեղեկացրել է ՌԲԿ-ն։

    «Նոր կանոնները գլոբալ շուկաներում գազ գնելու հնարավորություն կստեղծեն ԵՄ անդամ երկրների եւ էներգետիկ ընկերությունների համար։ Անդամ երկրներն ընդգծել են, որ ռուսական գազը կհանվի համատեղ գնումների պայմանագրերից»,- նշվել է փաստաթղթում։

    Նախարարները համաձայնության են եկել մի շարք հարցերում, այդ թվում.

    - էներգետիկայի ոլորտում կանոնակարգող մարմինների համագործակցության գործակալության կողմից մինչեւ մարտի վերջ հեղուկացված գազի վերաբերյալ ԵՄ նոր ստանդարտ ստեղծելու մասին,

    - գազի գների ցերեկային գների սահմանափակման մեխանիզմի կիրառման մասին՝ ըստ TTF-ի,

    - ԵՄ էներգետիկ համերաշխության ամրապնդման մասին, որպեսզի «համոզվեն, որ արտակարգ իրավիճակի դեպքում ոչ մի պետություն միայնակ չի մնա»,

    - այն տեխնոլոգիաների թույլատրման ընթացակարգի արագացման մասին, «որոնք կարող են փոխել իրավիճակն արդեն այս ձմռանը, օրինակ՝ արեւային ֆոտոէլեկտրական համակարգերի եւ ջերմային պոմպերի սարքի»։

    «Ես չեմ կարող գերագնահատել, թե որքան կարեւոր են այս միջոցները ներկա ճգնաժամին արձագանքելու համար, եւ ես ուրախ կլինեի, որ համաձայնություն ձեռք բերվեր բանակցություններում։ Չափազանց կարեւոր է առաջ ընթանալ եւ որքան հնարավոր է արագ իրականացնել այս փաթեթը, եւ ես հույս ունեմ, որ Խորհուրդը փաթեթը պաշտոնապես կընդունի առաջիկա շաբաթներին»,- ասել է էներգետիկայի գծով եվրահանձնակատար Քադրի Սիմսոնը։

    ԿԱՅՔԻ ՀԻՆ ՏԱՐԲԵՐԱԿ

    Լրահոս