09:01:13 -4°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ոստիկանության պետն ու Փրկարար ծառայության պետը նաեւ ՆԳՆ փոխնախարար կլինեն․ Արդարադատության փոխնախարար

    17:24 12 Հուլիս 2022

    Ոստիկանության պետը եւ Փրկարար ծառայության պետը իրենց պաշտոնները կհամատեղեն ներքին գործերի փոխնախարարի պաշտոնի հետ։ Այս մասին Ազգային ժողովում հուլիսի 12-ին ՆԳՆ կազմավորման քննարկման ժամանակ ասաց արդարադատության փոխնախարար Արփինե Սարգսյանը։

    Սարգսյանն, ըստ էության, համակարգում է արդարադատության նախարարությունում այդ բարեփոխումների մշակումը։ Խոսելով ՆԳՆ ձեւավորման անհրաժեշտության մասին՝ փոխնախարարը, մասնավորապես, ընդգծեց, որ ներկայումս ի դեմս Ոստիկանության «անհաջող սիմբիոզ» է գործում։ Նրա խոսքով, սա մի կառույց է, որը միաժամանակ դե ֆակտո մշակում եւ իրականացնում է ողջ ոլորտի քաղաքականությունը։ «Գործող օրենսդրությամբ ոստիկանությունը չի զբաղվում քաղաքականության մշակմամբ, բայց մշակում է օրինագծեր, կառուցվածքային փոփոխություններ։ Ներքին գործերի նախարարություն ստեղծելով այս խնդիրը լուծվում է, քանի որ նախարարությունը կմշակի քաղաքականությունը, իսկ ոստիկանությունը կիրականացնի։ Սա վերահսկողության եւ զսպման մեխանիզմներ կապահովի։ Սա նաեւ կխուսափի կրկնվող եւ միահյուսվող գործառույթների դեպքերից։ Յուրաքանչյուր կառույց կիմանա, թե ինչ գործառույթների համար է պատասխանատու»,- պարզաբանեց Սարգսյանը։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    Փոխկապակցված նորություններ