14:23:00 21°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Ֆրանսիական դիետա

    00:45 15 Մայիս 2022

    Ֆրանսիացիները սննդի պատրաստմանը վերաբերվում են որպես արվեստի, իսկ ուտելու գործընթացին՝ որպես սրբազան գործողության եւ իսկական հաճույք են ստանում դրանից։ Նույնիսկ շատ ցածր կալորիականությամբ սննդակարգը ֆրանսիացի դիետոլոգների ձեռքում վերածվում է արվեստի գործի: Հավանաբար այդ պատճառով ֆրանսիական սննդակարգը այդպիսի ժողովրդականություն է վայելում:  

    Ըստ էության, սա բուսասպիտակուցային սննդակարգ է, որը նվազագույնի է հասցնում միաժամանակ ճարպերի եւ ածխաջրերի քանակը: Այդ պատճառով զարմանալի չէ, որ այն շատ արդյունավետ է եւ թույլ է տալիս 2 շաբաթվա ընթացքում քաշը նվազեցնել  7-8 կգ-ով: Խորհուրդ է տրվում հնարավորինս շատ սովորական կամ հանքային ջուր խմել, բացառելով մնացած բոլոր ըմպելիքները (բացի նրանցից, որոնք նշված են ճաշացանկում): Արգելված են բոլոր խմորային արտադրանքները, շաքարը, աղը եւ ալկոհոլը: Պնդում են, թե այս սննդակարգը արագացնում է նյութափոխանակությունը եւ դրանից հետո չեն գիրանում: Դրա արդյունավետության բարձրացման համար կարեւոր է հետեւել սննդի ընդունման հերթագայությանը, խիստ ռեժիմ պահպանելով: Եվ արանքում ոչ մի բան չուտել: 

    Օր 1

    Նախաճաշ. սեւ սուրճ

    Ճաշ. 2 ձու, հազարով աղցան, լոլիկ:

    Ընթրիք. Մի կտոր ոչ ճարպոտ խաշած միս, հազարով աղցան: 

    Օր 2

    Նախաճաշ. Սեւ սուրճ, չորահաց:

    Ճաշ. Մի կտոր խաշած միս:

    Ընթրիք. Խոզապուխտ կամ խաշած երշիկ առանց ճարպի, հազարով աղցան:

    Օր 3

    Նախաճաշ. սեւ սուրճ, չորահաց:

    Ճաշ. Բուսական յուղով տապակած գազար, լոլիկ, մանդարին կամ նարինջ: 

    Ընթրիք. 2 ձու, ոչ ճարպոտ երշիկ, հազարով աղցան:

    Օր 4

    Նախաճաշ. Սեւ սուրճ, չորահաց:

    Ճաշ. ձու, թարմ գազար, պանիր:

    Ընթրիք. մրգային աղցան, մածուն:

    Օր 5

    Նախաճաշ. քերած գազար կիտրոնի հյութով:

    Ճաշ. խաշած ձուկ, լոլիկ:

    Ընթրիք. մի կտոր խաշած միս:

    Օր 6

    Նախաճաշ. սեւ սուրճ:

    Ճաշ. խաշած հավ, հազարով աղցան:

    Ընթրիք. Մի կտոր խաշած միս:

    Օր 7

    Նախաճաշ. թեյ:

    Ճաշ. խաշած միս, մրգեր:

    Ընթրիք. ոչ ճարպոտ խոզապուխտ կամ երշիկ:

    Երկրորդ շաբաթը` առաջինի կրկնությունը

    ԿԱՅՔԻ ՀԻՆ ՏԱՐԲԵՐԱԿ

    Լրահոս